🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء : 94
طلعتها ونزلتها بعينيها مصغراهم كتشوف فيها باستغراب ودهشة على ملامحها مفيكسية عينيها عليها كيف كتشوف فيها فاطمة بنضرة مستفزة
لجين [ ميلت راسها كضحك ] حالتك ما ديال زواج بالباشا [ رفعت حاجبها خاشية يدها فجياب سروال] ماقالش ليا بلي راه مزوج؟
فاطمة [ مفيكسية عينيها على لباسها وكتغدد] علاش غادي يقولها لك؟ شنو كتجيه وانت ماختو ما بنت خالتو؟
لجين [ قلبت عينيها بملل هزت يدها حاطة بالقاع ديال لابهم بين عينيها] هاد لهضرة ديال لله يحس لعوان علقيها طوانگ انا جايا نشوف خالتي شمس
فاطمة [ تقادات فوقفتها حاطة يديها على جنبها] خالتي شمس مامسالياش وماتبقايش تعتبي هاد دار ....
لجين [ التافتت ناحية ليمين كتبتاسم رجعت عينيها كتشوف فيها] واش انتسناك اعود سبسي تقولي ليا شنو ندير ؟[ ميلت راسها نطقت بغنج] مافراسكش احبيبة بلي انا وقرة عينك المصون جلسنا فوق طابلة وحدة ؟ وطيبنا بجوج
وسعت فاطمة عينيها بصدمة ودم هربان من وجهها كفاش دخل امرأة غريبة وسط دارها وشاركو طعام كانت كتقول بلي لباشا ماكاينش بحالو سرطت ريقها وحقد عما عينيها عضت على شفايفها بفقصة باغيا تنطق
لجين [ قاطعتها لجين بحدة] ديك لغيرة لخاوية ديريها عليه ماتبقايش تشوفي فيا هاد شوفات ولا انتقب لمك عينيك [ رجعت بلور كتشير ليها بصباعها لعينيها] مزال انتلقاو..
مشات وخلاتها كتغلي بهضرتها خبطت لباب ودخلت اما لجين كانت كتمشا بخطوات بطيئة كتشوف فالارض بشرود عقل كيقول كفاش كدب عليها.. وخلاها فدار غفلون على الاقل يقول ليها راه مزوج وماتبقاش تحاديه وعقل كيقول ليها وعلاش غادي يقولها لك شنو كتجيه هو ما كيبغيها ما مولفها وحتى هي ما كتبغيهش تنهدت بتعب جات ترتاح فالعروبية صدقت معدبة كتر من لمدينة وقفت امام رجلين هزت عينيها كتشوف محيي الدين هاز بلاستيكات فيديه رافع حاجبو شافها من بعيد ساهية فالارض مامولفاش ليها .. موالف يشوفها غير غادية فطريق وكضحك
محيي الدين [ بتساءل] فين كنتي ؟
لجين [ عقدت حواجبها حاقدة] وانت مالك؟
محيي الدين [ حول لبلاستيكة لجهة تانية وهز يدو حك ورا راسو سارط ريقو ] شنو سميتك ؟
لجين [ كتشوف بدهشة لحضة بدات ضحك بجهد وهو كيشوف بإستغراب] ماعارفش سميتي ؟
محي الدين [ نفا براسو ببرود ] ماقلتيهاش
لجين [ خنزرت فيه] سميتي لجين ... وهاد لكمارة عمرك تبقا تشوفها مزال ...يتبع ...
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
