🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء: 78
ميقت فيه ورجعت كتنقي لبصلة ونصها كتخليه مع زبل سالات تنقية غسلتها وجابت كراضة.. بدات تگرض فيها عينيها بداو يحرقوها ودموعها فطرف عينيها نازلين سالات لبصلة وسالات معاهم دموعها التافت ليها محيي الدين كيشوف فيها كتدمع وتنخصص تقول قاتلين ليها شي حد
محي الدين [ كيتفحصها بعينيه ] نقيتي لبصلة درتي ݣنازة
لجين [ التافتت ليه بدات تدوي وعينيها كيحرقوها بزز باش حالاهم] ديك ساعة جي انت لي گرضها
محيي الدين [ نطق بهدوء كيشوف فيها ] نتي لي بغيتي تعاوني ... غسلي وجهك وديري ثلج لعينيك
دارت داكشي لي قال ليها مشات غسلت عينيها وحلت لفريگو خادت تلج وتوجهت حداه متكية على لاڤابو
لجين [ سرطت ريقها كتشوف فيه] علاش لبصلة كتبكي؟
محيي الدين : حتى تسوليها
لجين : نعاونك
محيي الدين [ نفا براسو] لا
لجين [ هزت عينيها ناحية بطاطا لي محطوطة جنب ] نقي بطاطا
محيي الدين [ بهدوء] هادي كافية
مادارتش بهضرتو مشات ناحية بطاطا هزت جوج ورجعت وقفت حداه
لجين [ بابتسامة] ديك بطاطا لي درتي ما كافياش
خلاها على خاطرها.. نقات بطاطا لي دارت ليها كيف لبصلة ولاحت نصها في زبل مع جلوف كتگرضها وعاضة على لسانها حيت قاصحة خاصها معاها لخاطر سالات لولة والتافتت ناحيتو
لجين [ بعصبية] أجي شوف هاد زمر ديال لموص مالو حافي
محيي الدين [ شاف فيها وشاف في بطاطا تنهد وحيدها ليها من يدها] هادي بطاطا حلوة..[ شاف فيها رافع حاجبو] واش عمرك طيبتي ؟
لجين [ كتشوف بإستغراب مصغرة عينيها] والى كانت حلوة ولا مالحة [ هزت راسها فيه] ياك بطاطا وكتقلى
محيي الدين [ هبط راسو حابس ابتاسمة تخرج من شفايفو هز عينيه فيها ] قليتي ليا قلبي ابنت ناس...يتبع...
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
