بين الخطيئة والغفران

Part 8

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ : سَلْمـَى سَلُومَـةِ وِ سَمِيـرَةِ غَــدْ "•

الـفـصـل الأول

الـجـزء : 08

تمشات بهدوء عينيها كيضورو بتبات مرة مرة كتهز اطراف اصابعها مصبغين فلون باج لشعرها تقادو وتسوط بملل ماعاجبها حال اخيرا لقات لونفي ديالها وقفت قدامو كتفكر واش دخل ولا لا قررات وحطت يدها على لمقبض حلات لباب بهدوء كيتسمع صوتو هزت عويناتها فالقسم لي عامر بطلبة گاع لاعين توجهت ليها عينيها مشاو ديريكت بروفيسورة لي كانت واقفة كتعرفهم على راسها ابتاسمت ليها لجين بهدوء كترحيب حطت لبروفيسورة يدها على جنابها رافعة حاجبها

بروفيسورة : (بنبرة واضحة)على سلامتك الالة سمحيلينا جينا قبل منك
لجين ( نطقت بنبرة خجولة) سمحليا تعطلت حيت...
بروفيسورة (قاطعتها بصوت مرتفع بنبرة معصبة)ماقلتش لك عاودي ليا دخلي ولا خرجي

ماجاوبتهاش لجين كتشوف فيها بعيونها لحادة عضت على لسانها كاتماه ليخرج ليها شي زبلة شافت في طلبة لي نصهم بغاوها فيها رجعت شافت في لبروفيسورة ابتاسمت ليها ابتاسمة صفرا وخرجت خابطة وراها لباب بجهد

لجين (تأفأفت بملل) اووف نهار بادي زوين ما شاء الله

سمعت تيليفونها كيصوني خشات يدها جابداه ابتاسمت فاش شافت سمية خالد قادات راسها بحالا كيشوفها حطاتو على ودنها وجاوبت

لجين : (بنبرة حنينة ) الو
خالد : (بنبرة حرشة) انا قدام لافاك خرجي

قطع عليها مخلي قلبها كينبض بسرعة والفراشات كيلعبو فكرشها خدودها خادو لون احمر بالحشمة نشت على راسها بسخونية لي طلعتها قادات حوايجها وزربت فمشيتها خايفة تعطل عليه ويمشي خرجت من لافاك اوقفت قدام لباب كتقلب بعينيها عليه حتى شافتو واقف قدام طموبيل وفيدو سجارة عضت على شفايفها بإعجاب تمشات قاطعة شانطي وخصرها كيتمايل معاها ببطء وانوتة حتى وقفت قدامو مفيكسيا عينيها فملامحو عينين ناعسين فلون عسلي بشرتو بيضاء اللون شعرو رطب طايح على عينيه شفايفو واخدين لون وردي مع لاسود بسباب لگارو طويل ومگضر ملامحو باينة عليهم لخبث وتغوبيشة على وجهو ساط دخان على وجهها حتى غمضت عويناتها وبدات تسعل وهو كيشوف فيها بقا صمت حتى سالا سيجارتو على خاطرو لاح سيجار وعفط عليها بسباطو توجه لطموبيل طلع فيها وتبعاتو حتى هي ماتسناهاش دير سمطة ديمارا