🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :89
نزهة [كتدوي بجهد] ومرحبا بك الكبيرة غبتي حتى توحشناك
لكبيرة [كضحك] هاحنا ابنيتي غابرين غا مع دنيا
نزهة [ شافت في لجين لي كتشوف فيها مبتاسمة] مرحبا بك ابنتي [ ضورت عينيها جهة لكبيرة ] شكون هاد لگمرة
لكبيرة [ ابتاسمت ليها ابتسامة صفرا] بنت ولدي [خنزرت ونطقت بهمس]تبارك الله
اومات براسها ومشات دازو دقائق وجابو لحلوة وأتاي ..سرطت اسماء ريقها والتافتت ناحية لجين لي كتاكل وگعما مسوقة دوات ليه فودنها
اسماء [ بهمس] لجين وقيلة جاتني ليغيكل..حسيت بشي حاجة سخونة نزلت مني
لجين [ خرجت عينيها بصدمة ] اويلي [ اومات اسماء براسها فيها لبكية ] وقفي نشوف
لجين [ضورت اسماء راسها او وقفت شوية بدات تولول]ويلي ويلي المسخوطة خرجت لك
اسماء [ بحشمة وشاداهت لبكية] حلفي
لجين [ ميلت راسها ناحية لكبيرة بهمس نطقت ] لكبيرة عندك شي فولار...
عطاتو ليها لكبيرة بإستغراب خافتها تنوض تشطح ويضربوها بالعين..خادتو من عندها وعطاتو لاسماء ضوراتو على خصرها وناضو خارجين من لخيمة .. وقفو امامها كيقلبو بعينيهم على لمهدي كيشوفوه واقف امام طموبيلتو كيكمي بخطوات سريعة توجهو ناحيتو
مهدي [ رافع حاجبو مبعد لكارو عليهم] مالكم البنات
لجين [ شافت في اسماء لي حشمانة ] عفاك دي اسماء لدار تبدل
عقد حواجبو بإستغراب شاف فاسماء ولفولار لي لاوية عليها فهم واوما راسو بإيجاب طلعت فطموبيل وطلع وكسيراو بقات متبعاهم بعينيها حتى ضارت كتشوف في محيي الدين واقف عاقد حجبانو بتخنزيرة لابس جلابة فلون اسود فوقها سلهام قصير فنفس لون شربيل فلون اسود مع تقاشر فلون ابيض شعرو مقادو هو ولحيتو ريحتو سابقاه مخليها تغمض عينيها مستنشقاها دقات قلبها ضنت انه كيتسمعو ليه كيطلع وينزل فيها وشفايفو كياكل فيهم هز يدو حطها على معصمها جارها معاه وهي كتشوف بإستغراب وكعبها كيعكلها وصلو بلاصة خاوية ولكن مزال كيتسمع صوت لغنا وقف كيضور عينيه كيحاول ما يشوفش فيها وهي ماحشماناش ومفيكسية عينيها فيه
محيي الدين [ بصوت رجولي خشن ] شنو هاد لباس؟
لجين [ شافت في حوايجها وفيه] مالهم؟
محيي الدين [ عض على شفايفو وتفاحة ادم كطلع وتنزل حاكم اعصابو] مخليا شمايت عينيهم محطوطين على لحمك كياكلو فيه
لجين [ عقدت حواجبها] وانت مالك؟
محيي الدين [ نزل عينو عندها كيشوف فيها نطق بغضب ] حتارمي راسك وتحتارمي اهل دوار..تربيت واليديك كتبان فلباسك.. ماغادينش ياخدو لعيب عليك نتي .. على واليديك لي مخليين لحمك يبان.. لي سوا ولي مايسواش [ سرطت ريقها ونزلت راسها كمل حديثو وعينيه مفيكسيين عليها كيعض على سنانو] نهار حطيتي رجلك فدار وليتي من ناسو.. حتارميهم باش يحتارموك... ماتسنايش يعطيوك قيمة وانت لحمك وماعاطياهش ليه .. يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
