🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء: 81
ضحكت بخجل حطت يدها على لبوطاجي حتى تسمع صوت طبسيل طاح من فوق حتى لارض غمضت عيونها عاضة على شفايفها..شاف في طبسيل لي كان عامر بطاطا طاح فالارض عض على لسانو بفقصة
محيي الدين [ تحت سنانو] خرجي عليا من لكوزينة
لجين [ سرطت ريقها وهي كتشوف فيه راجعة بلور] ماتعصبش انا خارجة
بخطوات سريعة خرجت كضحك متاجهة لبيت ديال شمس حالاه لقاتها مزال بنفس لوضعية كتفرج ابتاسمت ومشات جلست حداها
لجين [ كتشوف في شمس كيف كتشوف فيها وعينيها لامعين قلبت لجين عينيها ونطقت ] خالتي شمس ولدك مرضعاه صعرة فبلاصة لحليب؟[ شمس كتشوف فيها باستغراب ] من دخلت لكوزينة وهو غير كيغوت واخا ما دايرة والو شادة بلاصة وساكتة...[ قلبت وجهها مخنزرة] ماخلانيش نطيب على خاطري..[ كتشوف فيها بنص عين] ياك لكوزينة لينا حنا لاش يتزاحم معايا
محيي الدين [ من وراها ] وا باز ابنتي
دازو ساعات طاب لغدا جالسين فصالون بتلاتة حاطين طبسيل امامهم كياكلو بهدوء
لجين [ كتاكل وتبنن] الله يعطيني صحة ديك لبصلة عطات لبنة
نفا براسو بلا حول هزت عينيها فشمس لي كيوكلها محيي الدين ويضحك معاها صغرت عينيها كتشوف في ملامحها بدقة
لجين [ بإستغراب] خالتي شمس [ هزو فيها عينيهم] ملامحك كتشبه لشي واحد فعقلي ولكن ماعرفتش شكون [ ماداهاش فكلامها كيكمل ماكلتو] ولله كتشبهي...
قاطعها صوت كحت شمس وحلت ليها ناض بخوف جاب ليها لما كيشربها بشوي حتى تهدنت باس ليها راسها ورجع لمكانو
محيي الدين [ عاقد حجبانو كيشوف فشمس] كتخلعيني علك الواليدة
اومات براسها بإيجاب مبتاسمة شبه ابتسامة...
واقفة امام دار ومحيي دين واقف قدامها كيتفحصها بعينيه
محيي الدين [ بهدوء] خليني نوصلك
لجين [ نفات براسها مبتاسمة ] ماشي مشكل انا غادة نمشي غير بوحدي...[ بإمتنان ] شكرا بزاف على هاد نهار
محيي الدين [ بشبه ابتسامة كيومي براسو] فأي وقت بغيتي تشوفي لواليدة أجي
ابتاسمت ليه ومشات مخلياه متبعها بعينيه حتى تفاوتت تنهد وسد لباب... داخلة من لباب وقفت امام صالون كتشوف لكبيرة جالسة كتسبح حطت صندالتها ودخلت جلست جنب لكبيرة ...يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
