🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
🍂الجزء : 26
مشات وخلاتو باغي يبخ دم.. حاط يد على حنبو ويدو تانية خاشيها فشعرو مزير عليه بالاعصاب.. صدرو كيطلع وينزل.. قميجتو لصقت عليه بالعرق.. تفاحة ادم كطلع وتنزل.. عاض على شفايفو بغضب شديد غمض عينو كيسرط ريقو دوز يديه على وجهو كيحاول يتهدن.. اعصابو خايبين وفمو كتر.. اكتر حاجة كيكرهها فراسو هو انه سريع لغضب .. فاش كيتعصب ماكيعرفش شنو كيدير .. ماكيندمش على شنو كيدير من وراه لعصاب خشا يديه فجيبو جابد تيليفونو كيشوف شحال فساعة لقا مزال ليه ساعتين باش يخرج زفر بغضب التافتت ناحية لباب حط يدو على لمقبض حالو.. كيشوف مجموعة من طلبة ضايرين على لولد لي شروطو عض على لسانو ورجع ليه لغضب.. بخطوات سريعة تمشا ناحيتو دافع دراري لي مجموعين عليه شافو شاد فنيفو لي خارج من دم .. طالق انين كيعبر على الم ديالو.. حتى حس براسو مقجوج من طرف ناصر
ناصر [ شادو من لكول مقرب ليه كينطق بغضب تحت سنانو] هاد لمرة دويت بيدي مرة اخرى [ عطاه بروسية لراسو حتى دوخو ] انصيفطك عند ربي.. [ وقف كيقاد فحوايجو نطق بأمر] عيطو على طبيب يجي ديو هاد جيفة
توجه لبيروه هز داكشي ديالو خرج بخطوات بطيئة خارج من لافاك .. تمشا ناحية طموبيل لي كانت مبلاصية جنبها.. حلها ودخل مكسيري عند صاحبو لقهوة
جالس فكافي امام لبحر فيدو كاس دقهوة كحلة فجنبو جالس صاحبو لي كيشوف فيه وفيدو تيليفون..
صلاح [ كيضحك] حتى انت اصاحبي داير راسك فبرهوشة
ناصر [ زير على سنانو ضور عينيه ناحيتو نطق بغضب] فين عمر طرا ليا هاد لبلان حتى وليت نتساب من طرف برهوشة دالخلا
صلاح [ رفع حاجبو وشبه ابتاسمة على فمو ] شنو ناوي دير اصاحبي
ناصر [ سكت مدة كيشوفو امامو ونطق ابتاسمة خبيثة ] الى ماخليتهاش تموت على تراب لي كنمشي عليه من بعد فريت فيها ماشي راجل [كيأكد كلامو وهو كيبتاسم بخبث كيعض على سنانو ] ماشي راجل..يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
