بين الخطيئة والغفران

Part 12

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 12

مزير على قبضة يدها مخرجها من لونفي .. وهي عاضة على شفايفها بخوف كتلولب بعينيها بإحراج.. سد باب لونفي وراه ولصقها مع لحيط حاط يديه بجوج على لحيط وهي وسطو حادرة راسها كتلعب بصباعها بتوتر باين على ملامحها ندمت علاش هضرت گاع.. نهار واحد دارت فيه فضيحة هو كيشوف فيها .. عيونو لحادين معميين بالغضب عاقد حجبانو صدرو كيطلع وينزل بالاعصاب .. اعوام وهو كيقري عمر شي حد تجرأ ونعتو بشي كلمة خايبة.. جات برهوشة كيف كيقول فعقلو خرجاتو على طوعو.. لا وبل عيراتو قدام طلبة كاملين

ناصر :[ بصوت رجولي خشن نطق بنبرة مرتفعة نسبيا] شنو كنتي كتقولي لداخل [مزال حادرة راسها ضرب يدو مع لحيط حتى قفزت خايفة] هزي راسك وشوفي فيا
مرام : [ هزت عينيها ببطء خايفة لتجي فيها شي دقة وهي غير كميشة نطقت بصوت خافت مرتعش] استاد بلاتي غير نشرح لك انا...
ناصر :[ قاطع كلامها حاط صبعو على فمو بغضب ] سكتي صوتك كيضرني فودني
مرام : [ رمشت عدة مرات كتستوعب شنو قال رفعت حاجبها بإستغراب نطقت بصوت هادئ] هادي هي طلع كول لكرموس نزل شكون قالها لك.. عاد دبا شوي كتقول ليا نهضر
ناصر : [ حك بالقاع ديال لابهم بين حجبانو بالاعصاب لي غادة تركب فيه غمض عينيه ونطق] كفاش كتجرئي تقولي ديك لهضرة قدام طلبة واش كتسحابيني گرينك لي تقولي داك لكلام
مرام :[ حدرت راسها بخجل عاضة على لسانها حست بالإحراج عمرها طرا ليها هكا ونهار طرا طرا مع استاد هزت عويناتها ببراءة كتشوف فيه] سمحليا ااستاد.. ولله ما قصدت شي حاجة خايبة غير حيت صباح حرجتيني قدام طلبة [ حدرت راسها كتلعب بصباعها] داكشي علاش تعصبت وقلت ديك لهضرة [ رفعت راسها بسرعة نطقت ] ولله ما نويت شي حاجة خايبة ولله

سكت كيتفحصها بعينيه.. من عبايتها طويلة لي ساتراها.. حتى لحجابها لي زايدها نور على نور ملامح وجهها بريئة نبرتها فالكلام هادئة كتخليك تبغي تزيد تهضر وراحة على سمع.. عويناتها كترمش بيهم باش يتلقاو رموشها ببطء.. بعد عليها فاش عاق براسو طول فشوفة نحنح ونطق وهو كيشوف لبعيد

ناصر :[ بصوت رجولي] اخر مرة أ..؟
مرام : [هزت عينيها فيه] مرام
ناصر : اخر مرة امرام هادشي يتعاود بغيت لاحترام يكون بيني وبين طلبة... [بتحدير] ولا مرة اخرى غادي نضطر نخليك تجيبي ولي أمرك

اومات براسها وهي كتسمع ليه .. دخل وخلاها كتشوف فمكانو.. وكتعيب فهضرتو

مرام : [قلبت عينيها مخنزرة] وهو علاش حاط لميكرو حدا قلقولتي

سمعت صوتو لي كيأمرها دخل دخلت بسرعة ماكتشوفش فيه ديريكت لعند صاحبتها طلعت فديريجات متاجهة لبلاصة فين كاينة صاحبتها جلست حداها مركزة معاه

نور :[ نطقت بصوت خافت غير مرام لي سامعاه ]  شنو دار معاك هاد ابو العضلات مافلعصكش من شي قنت
مرام : [ ضورت راسها عندها ببطء رافعة حاجبها من هاد سؤال تافه نطقت بصوت خافت كتبتاسم ليها ابتسامة صفرا ] لا راه رجلي حيدهم ليا وخليتهم قدام لونفي شوية ويتبعوني
نور :[طلعتها ونزلتها عرفتها كطنز عليها نطقت بفضول] وعاودي ليا راه انموت بالفضول
مرام [كتهضر وتشوف في ناصر ليكون كيشوف فيها] وحتى نخرجو ونعاود لك انمي مالك درتي حالة

التافتو بجوج لعندو هو لي كان كيشرح بجدية حطت يدها على حنكها متبعة معاه .. يتبع...