🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 70
خلاها على خاطرها وتمشاو بخطوات بطيئة خارجين من دي لارض.. بغا ياخد من عندها داكشي ماخلاتوش.. دار كبيرة وعالية بابها فالاحمر مسدود شراجمها لكبار محلولين شكلها بحال دار لكبيرة غير هادي صغيرة شوية.. وقفو امام لباب جبد ساروت من جيبو حال لباب وداخل صوت لقرآن بسورة البقرة كيتسمع من دخلة ديال لباب تبعاتو من وراه كتفحص بعينيها كانت مضورة على دار جردة فيها انواع زهور عاطية منضر زوين بيسين صغير لوسط فيقها من هضرتها غير صوتو
محيي الدين[ كيحط فالخناشي جنب الحيط ] ماخايفاش داخلة لدار مع راجل بوحدكم؟
لجين [ كتشوف جهة بيسين مصغرة عينيها ] لا ماشي بوحدنا [ التافتت ليه ونطقت بتساءل ] شكون هاديك
محيي الدين[ هز عينو جهة فين كتشوف نطق بابتسامة ] لواليدة
تخطاها ومشا جهة مو لي كانت جالسة فوق كرسي متحرك مغطية شعرها بزيف كتشوف بشرود امامها تبعاتو بخطوات بطيئة حتى وقف امامها وهي جنبها
محيي الدين[ بابتسامة نطق بهدوء وهو جالس قفازي ] نوارة دار.. كيف صبحتي
شمس اومات براسها بإيجاب وهي كتشوف فيه عينيها لامعين هز راسو في لجين لقاها شاردة فيهم وابتسامة على ملامحها ابتاسم ليها واشار ليها باش تجي عندو تمشات ناحيتهم وقفت امامها جلست قفازية هزت يد شمس وباستها بابتسامة ونطقت
لجين [ بصوت حنون ] كيف دايرة اخالتي [ هزت راسها في محيي الدين باش يقول ليها سميتها قالها ليها التافتت ناحيتها ] شمس
محيي الدين : لواليدة هادي هي لي عاودت لك عليها
لجين [ بسرعة قلبت راسها عندو رافعة حاجبها ] عاودتي ليها.. اتكون عيرتيني ياك
محيي الدين [ مفيكسي عينيه عليها ] يهديك الله ياهاد لبنت اش انعاير فك
لجين [ التافتت لشمس ونطقت بتساءل ] عيرني ياك اخالتي شمس[ هزت كتافها قالبة عينيها ] اصلا هو كعما كيحملني[ ناضت مقربة ليها ناطقة بهمس ] خالتي ولدك معقد
ابتاسمت شمس وهي كتشوف في لجين كيف كتهضر على ولدها امامو نفا محيي الدين راسو .. تقاد وقفتو هز يدو شد لجين من كرفادتها جارها وهي كترطا
لجين[ كتحاول تحيد يدو ] طلق اصاحبي خليني ندوي مع شمس
وقف امام لباب مخرجا حط يدو على لباب ونطق بصوت رجولي
محيي الدين : تعطلتي على داركم سيري يله توصلي فالحال بارد
لجين [ خنزرت فيه] مالك مريض خليني غير نعاود ليها
محيي الدين [ بجدية ] دبا عيانة غدا ورجعي عندها
لجين [ ابتاسمت ليه ] حلف [ قلب عينيه بملل ] غدا انرجع عنداك ماتكونش..يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
