🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂
•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•
•" بِـرِيـشَـةِ :سَمِيـرَةِ غَــدْ "•
الفـصـل الأول
الـجـزء : 59
مُحيِي الدين [ وقف بعيد عليه حادر عينيه] الحاجة هاهو لباشا اش حب لخاطر؟؟
لكبيرة [ شافت في يعقوب لي فهم راسو وبعد نطقت بطلب ] الله يرضي عليك اوليدي جيت قاصداك والمقصود الله [ زاد عقد حواجبو كيتسناها تكمل ] راك عارف شنو كاين ليوم.. على قبل لواد وبنت ربيبي يله جات من لمدينة وصدقت زوهرية وهي لي غادة تبات ليوم في لواد ولا غادة تدبح
مُحيِي الدين [ اكتر موضوع كينيرڤيه جبداتو ليه حك بالقاع ديال لابهم بين حجبانو ونطق ] ايه الحاجة وشنو المعمول ؟
لكبيرة [ بطلب] بغيتك اوليدي ليوم تبقا معاها وتحميها.. راها غير ولية وماتقد على هادشي .. وغير هبيلة وخفت طرا ليها شي حاجة وهي غا ضايفة
مُحيِي الدين [ سكت مدة كيفكر حتى خافت انه يرفض ولكن ابتاسمت فاش سمعت جوابو ] واخا الحاجة مايكون غير خاطرك [ بتساءل] ولكن انا عمري شفتك ولا عرفتك ؟
لكبيرة [ كتفحصو بعينيها] اوليدي ناس لخير صيفطوني عند ولد لخير الله يرحم من رباك ويرضي عليك
*نهاية لفلاش
لجين [ اومات براسها كتشوف فيها] ولكن مالو كان كينهصر فيا بحالا راني طالباه
لكبيرة [ ميقت فيها ] وابنيتي باز لكمارتك.. ق**ة توب ونتي ماتوبي من قلة نية لي فيك
لجين [ كتشوف فيها نايضة من حداها وخارجة ] فمك خاسر الكبيرة [ بصوت مرتفع باش تسمعها] واعقلي عليها اشارفة عيطي عليه هو يجي عندك يبقا يتناگر معاك [ حطت حنكها على يدها ] خاصني شي طريقة باش نعاود نشوفو
طلعت لبيتها دوشت بدلت حوايجها ونعست... دازو ساعات وهي غير ناعسة بدات تحل فعويناتها .. كتحك فيكم تقادات فجلستها كتعقل فين هي وفين كاينة تفوهت هبطت رجليها لبست بانطوفتها وخرجت من لبيت نازلة لتحت كتشوفوهم جالسين مجموعين كيضحكو وياكلو قلبت عينيها وقلبت طريق تمشات جهة لكلوار لي كيدي لكوزينة دخلت لكوزينة جمعت حواجبها بإستغراب وهي كتشوف شي راجل عاطيها بضهر وكيدير شي حاجة تنحنت وهو يضور عرفاتو ولد عمها عبد الله ابتاسم ليها وهو كيطلع وينزل فيها
مهدي [ بصوت رجولي هادئ] بنت عمي لجين
لجين [ ابتاسمت ليه ابتسامة صفرا مامرتاحاش لشوفاتو ] صافا
مهدي [ ضحك وهو كيحط طبسيل فوق طابلة جر لكرسي وجلس ] صافا .. شحال وهادشي وانا كنتسنا هاد لوقيتة فين نهضرو انا وياك
لجين [ ابتاسمت ليه جرت لكرسي لي قدامو وجلست حاطة رجل على رجل ] وعلاش؟؟
مهدي [ هبط راسو فطبسيل كياكل هز كتافو هز راسو غامزها ونطق ] غادين نتفاهمو انا وياك بزاف ا ماكوزين... يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
