بين الخطيئة والغفران

part 51

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الفـصـل الأول

الـجـزء : 51

*اصبحنا واصبح الملك لله

صباح جديد وشمس طلعات حاطة راسها فوق فخاضو وهو معنقها وحاط راسو عليها غاطس فسابع نومة.. بدات تحل عويناتها بشوية وصوت توشويش فوق راسها حلت عينيها كتشوف بزاف ديال رجلين مزال نعاس غالب عليها حتى تفكرت فين هي .. بسرعة تقادات فجلستها حتى فاق مُحيِي الدين بغفلة وصوت انين خفيف خرج منو بسباب ضربة.. مفيكسية عينيها على وجووهم كيشوفو فيهم مخنزرين بملامح عصبية التافتت ناحية مُحيِي الدين كتشوفو حاط صباعو على عينيه كيحك فيهم وگعما مسوق

لجين [ شافت فيهم رافعة حاجبها] مالكم مجموعين هكا.. بحالا شي كسيدة واقفة
*واحد منهم [ نطق بصوت مرتفع غاضب ] مابقا حشمة مابقا حيا
لجين [ وقفت حاطة يديها على جنابها كطلع وتنزل فيه مخنزرة ] ومالك اعمي لقيتيني هازة رجليا
*شخص تاني [ بصوت خشن عاقد حجبانو] الالة فين هو لواد لي كنا معولين عليه
لجين [ ابتاسمت بإستهزاء وشيرت ليهم بصبعها ناحية طريق ] هاهو يله داز من هنا [ رفعت حاجبها طانزة ] واش ماشفتوهش [ هزت كتافها قالبة شفايفها ] لعجب حيت يله شفتو انا
*شخص تالت [ بغضب ] واش كتفلاي علينا.. ماعرفتيش معامن كتهضري ؟؟
لجين [ التافتت ناحية مُحيِي الدين لي كان جالس كيشوف فيهم ببرود ] مال هاد جعبة حتى هو [ رجعت شافت فشخص] سير اعمي توضا وصلي جوج ركعات وعبد مولاك..راه عندك رجل هنا ورجل لهيه فأي لحضة تقدر تودع وانت مزال كتيق هاد لخرافات
مُحيِي الدين [ وقف كيسوس فحوايجو ضروه فدماغو بالهضرة تقاد فوقفتو ونطق بصوت رجولي ] يله اسيادنا هضرتو.. تناقشتو.. شفتو بعينيكم ماكاين واد لي عندو شي خربة يمشي ليها

خرج من وراهم رجل كبير فالعمر وتجاعيد فوجهو لابس جلباب في ابيض فوقها سلهام في لبني وعمامة صفرا

لقايد ديال دوار [ رفع حاجبو كيشوف فمُحيِي الدين] هادشي ماتافقناش عليه اولد شمس.. انت لباشا على دوارك.. ماشي سوقك فدواري ولغاه [ حول عينو لجين لي كانت كتشوف بإستغراب] لبنت اتمشي معانا حتى نشوفو شنو نديرو معاها

كيشوف فيه ولملامح عليها لبرود قلب عينيه بملل حك بالقاع ديال لابهم حاجبو بخطوات بطيئة وقف قدامو تحنا حتى لودنيه ونطق بصوت هامس

مُحيِي الدين [ بصوت كيبورش] ضواساك لمگيحين اتلقاهم فوق طبلة الى ديتي لبنت[ تقاد في وقفتو كيطبطب على كتفو وراجل كيشوف فيه ودم هربان من وجهو] تافقتا اسي لباشير

سرط ريقو اوما براسو بإيجاب تفحص بعينيه ناس دوار لي كيشوفو بإستغراب والتافت ناحية لجين لي واقفة زي الاطرش فزفة تمشا جيهتها بيدو لخشة خشا يديه وسط يديها رطبين تحسس رطوبتهم.. حتى حست بتبوريشة وهي كتشوف فيدو ضور وجهو لناحية ناس

مُحيِي الدين [ نطق بصوت رجولي نبرة تهديد] الى تقاصت شعرة منها غادي ندفنكم وسط هاد لواد..

جرها من يدها مشاو وخلاوهم كيوشوشو وراهم.. شادها من يدها مرة في يدها ومرة فضهرو كتشوف عضت على شفايفها حابسة ابتسامة كتخيل راسها عروسة وهو عريس.. مزال ما كملت تخيل ديالها حتى طلق منها وضار عندها هاز صبعو قدام وجههاا

مُحيِي الدين [ بصوت غاضب ] تبرهيش ديالك وهضرتك لباسلة ماتبقايش تقوليها حدايا
لجين [ مزال حابسة ضحكة] وشنو بغيتيني نقولها وراك [ شافتو عض على شفايفو بالاعصاب لولبت عينيها بملل ونطقت ] مالك مريض ومعقد هكا ضحك شوف اتموت مكوفن
مُحيِي الدين [ حك مؤخرة راسو ونطق بأمر ] سيري لداركم دبا

لجين [مشا وخلاها واقفة جنب طريق كتميق فيه] ياه على معقد [ حطت يدها على قلبها] ولكن ماانساش بلي عتقيني الباشا دقلبي ...يتبع...