بين الخطيئة والغفران

Part 95

🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 95

كانت غادة وشدها من كتفها مرجعها قدامو نضراتو متبتهم عليها وهي مهبطة راسها ماكتشوفش فيه

محيي الدين [ نبرة رجولية كيحاول يستوعب شنو قالت] شنو كتقولي انت؟ شنو بيك؟
لجين [ قالبة وجهها كتحاول تنتر كتفها من يدو ] مابيا والو اخويا [ هزت عينيها كتشوف فيه عينيها لامعين] عفاك ماتبقاش تقرب ليا ماقاداش على هضرة ناس دوار

نترت يدها ومشات مخلياه كيشوف بإستغراب امام نفا براسو غادي كيتمشا

محيي الدين [ بابتسامة نطق بنبرة هادئة ] لجين ..

ابتاسم وماداش على هضرتها عارفها كيف زمان دغيا كتقلب بخطوات بطيئة كيتمشا لدار وصل وجبد ساروت حال لباب رجع سدو داخل من لباب

محيي الدين [ نطق بنبرة مرتفعة] شميسة دار
فاطمة [ خرجت من لكوزينة كتبسم منزلة راسها بنبرة خجولة مصطنعة نطقت ] محيي الدين
محيي الدين [ نبرتها طاحت عليه كيف صاعقة بسرعة ضار جيهتها كيشوف فيها بدهول رفع حاجبو ونطق] شنو كديري نتي هنا؟وامتى جيتي ؟
فاطمة [ قربت ليه واقفة امامو وخدودها خادو لون حمر بالحشمة] جيت صباح فاش ما كنتيش توحشتكم وجيت [ هزت عينيها فيه] قلت علاش انبقاو هاكا نساو لي وقع ونبداو صفحة جديدة
محيي الدين [ سرط ريقو نطق تحت سنانو والغضب بدا يسيطر عليه] اشمن صفحة ولا كتاب .. براتك كانت غاتوصلك لدار باك
فاطمة [ سرطت ريقها كابحة دموعها ] انا كنبغيك امحيي الدين ومانقدرش نتفرق علك[ اومات براسها مفيكسية عينيها عليه وهو قالب وجهو] دبا عاد عرفت قيمتك ورجعت عندك انت وخالتي شمس
محيي الدين [ ببرود غريب ] خالتك شمس مامحتاجة لا لك ولا لغيرك.. [ فيكسا عينيه على عينيها لمدمعين ] نهار حطيتي رجلك برا دار حلفت ما ترجعي ليها ولا....
فاطمة [ عنقاتو مزيرة عليه كتبكي نطقت بصوت مخنوق] عفاك ماتجريش عليا كيف دار ليا با.. شافني خارجة كنت كنسگي لما وهو كيسحاب خرجت مع شي حد وجرا عليا مابغاش يسمعني عفاك امحيي الدين [ حلت عينيها لي حمارو بدموع] ماتسمحش فيا كيف دارو واليديا الله يخلي لك خالتي شمس
محيي الدين [ قلب عينيه بملل هضرتها ماأترتش فيه حط يدو على كتفها مبعدها عليه] اتبقاي بشرط[ اومات براسها بسرعة] شمس ماتقربيش ليها ولا تحاديها [ بغات تنطق وقاطعها] ولا رجعي عند باك

مد ليها لبلاستيكات تشدهم عطاها بضهر متاجه لبيت شمس حتى وقفاتو بهضرتها

فاطمة [ ميلت راسها مبتاسمة بخبث] واحد لبنت جات صباح كتسول علك باينة عليها بنت لمدينة

وسع عينيه بصدمة عرفها لجين لبنت لوحيدة لي كتقدر تجي لدارو ودخل ليها دبا عاد عرف علاش قالت ليه ديك لهضرة سرط ريقو تنهد بغضب وضار متاجه ناحيتها شادها من كتفها حتى غوتت بألم

محيي الدين [ بصوت غاضب نطق بنبرة مرتفعة] شنو قلتي ليها؟
فاطمة [ عقدت حواجبها باستغراب] قلت ليها بلي راني مرات محيي الدين [ قلبت شفايفها بحزن مصطنع ] وبدات تعاير فيا وكانت باغا تضربني
محيي الدين [ ماداهاش فشنو قالت فودنو غير مرات محيي الدين زير عليها وعينيه كيطلقو شرارة] علاش خرجتي عندها ؟
فاطمة [ حطت يدها على يدو بألم] محيي الدين كتوعتني
محيي الدين [ طلق منها نطق بتحدير ] نعرف قلتي ليه شي حاجة لي حقدتها نهارك ما يطلعش فيه شمس

خنزر فيها ومشا طلع لبيتو ديريكت بخطوات سريعة مخليها كتشوف بحقد وصدرها كيطلع وينزل بغضب

فاطمة [ عضت على لسانها بحقد ] انعرف شنو بيناتكم [ اومات براسها] وغادي نحرر عيشتها غير صبر.. غادي تكون ليا بوحدي... يتبع