🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂
•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•
•" بِـرِيـشَـةِ :سَمِيـرَةِ غَــدْ "•
الـفـصـل الأول
الـجـزء : 31
جرتها اسماء تجلس حداها في لكرسي رجعو ياكلو فصمت من غير اسماء ولجين لي كيوشوشو
لجين [ عضت على شفايفها ماقاداها فرحة ] ناري كون ماجيتيش كنت غادة نموت بالملل
اسماء [ كتاكل وكضحك ] فاش سمعت بلي جيتي ناضت فيا لحراگية باش نجي.. واخا لمدرسة حدا جداتي جيت..
لجين [ بلحضة منها هزت عينيها كتشوفو مفيكسي عينيه نطقت بهمس وهي مزال عينيها فيه ] شكون هاد خاينة..
اسماء [ التافتت فين كتشوف ابتاسمت ونطقت بهمس] ولد عمنا عبد الله.. مهدي
لجين [ ضارت عندها رافعة حاجبها] عمري شفتو
اسماء : كان عايش برا مع ختو [ أشارت ليها بعينيها ناحية هبة ] هبة
لجين [ ضورت عينيها كتشوف فيها هاز كاس قهوة بتلاتة صباع وكتعوج بدات ضحك ونطقت ] ديك لانشوبة حتى هي كانت برا
اسماء [ ضربتها بمرفقها نطقت كتعض على شفايفها بفقصة] سكتي المسخوطة دبا تسمعك
هزت كتافها بعدم المبالاة كتشوف في لكبيرة تنحنحت ونطقت بابتسامة
لجين : لكبيرة شتك ساقلة ليوم [غمزتها كضحك] مالك
لكبيرة [ خنزرت فيها ] اش داك لبس لابساه.. فخاضك گاع باينين.. الى مارباكش عمر انا انربيك
لجين [ عضت على شفايفها حادرة راسها والغضب بدا يتمكن منها نطقت بصوت خافت ولكن مسموع ليها ] لكبيرة .. [هزت عينيها لي حمارو] فاش جيت لدار جدي الا وغادة ندير لي بغيت..[ دوزت عينيها على لي جالسين] حكمي فولادك وحفايدك [حطت صبعها على صدرها ] اما انا ماكنجيك والو [ وقفت دافعة لكرسي لور ] بصحة
بخطوات سريعة خارجة من ديك جردة واسماء كتعيط عليها طلعت لبيتها حالاه بجهد بدات تمشي وتجي فالبيت كتاكل فضفارها واسماء جالسة على لفراش كتشوف فيها بأسف
لجين [ بصوت غاضب ] علاش حاطة عليا غير انا واش هي سوقها [شافت في اسماء وعيونها حاقدة] ماكنحملهاش ما كتسرطش ليا
اسماء [ قلبت عينيها كتأفاف] اوف الجين بحالا ماعارفاش مرات جدي كيف دايرة.. صافي ديري ليها خاطرها [ بحماس ] عرفتي فالعشية غادين نخرجو ونديك واحد لبلاصة زوينة
بغات تبخ دم بالاعصاب..ودم بدا يفور فراسها ماحاملاش تعايرها قدام لعائلة وخصوصا قدام لانشوبة على قولها لي شافت الاستهزاء في ملامحها.. اومات براسها وهي كتفكر فشي بلان لي ديرو ليها
داز داك صباح وجات لعشية داز صباح عند لعائلة عادي.. ولكن عند لجين لا باقا فيها لقمعة ومابغاتش تسرط ليها كتفكر كفاش ترض دقتها.. ابتاسمت بخبث فاش عرفت شنو قالت ليها اسماء على لكبيرة عاد تنفست سمعت صوت طرقات لباب قالت لطارق يدخل حيت عرفتها اسماء تحل لباب ودخلت اسماء كضحك كلعتها ونزلتها لجين بعينيها .. لابسة كسوة فالوردي مزيرة على خصرها صدرها لمتوسط خارج ومؤخرتها بارزة ضافرة شعرها ضفيرة ولايحاها لور
لجين [ كتصفر وهي كتفحصها بعينيها ] اش لاناقة ولباقة ياختي..
اسماء [ بدات ضور حول راسها كضحك ] كيف جيت قوقة[ بدات تصفق بيديها يله نوضي تلبسي
اومات لجين براسها هزت لحوايج لي باغا وتوجهت ناحية لحمام بعد دقائق خرجت .. لابسة كسيوة حتى هي فالوردي معرية كامل من ضهر وصدرها شقتو باينة صنيديلة ديال صبع فلون ابيض .. ساعة فمرفقها..
اسماء [ صغرت عينيها] ماشي معري هادشي
ابتاسمت ليها لجين وتمشات ناحيتها خاشية يدها وسط دراعها جاراها وخارجين من دار
فوسط طريق وحداهم ديور وناس قلال غادين جايين .. هازين فيديهم زريعة كيتمشاو ويضحكو
لجين [ ملأت صدرها بالهوا لمنعش ] الله كنحماق على لعروبية
جاوباتها اسماء ..هزت لجين عينيها مشاو ديريكت لشخص لواقف كيضحك مع شي حد .. رجل بمعنى لكلمة واقف بروجولة لابس فوقية فلون اسود مع بلغة فنفس لون وتقاشر فلون بيض سلهام فلون ابيض .. لحيتو سوداء كيف ليل مطراسية مزيناه شعرو لاسود وملامحو سمراء ابتسامة عريضة على تغرو مخليا سنيناتو يبانو مستفين كيف الجوهر..
اسماء [ ضربتها فكتفها ] اضاوية فين مشيتي
لجين [ حطت يدها على قلبها دايبة نطقت بشرود] الله نعطي مليون على سمر لون
اسماء [ التافتت فين ساهية شافتو بدات ضحك] مُحيِي الدين [ شافت فيها ] ابگص راجل فدوار.. ولد ناس ياختي.. وضريف ضريف بزاااف..ونزيدك هو لباشا ديال هاد دواور لقداميين وحتى لورانيين
لجين [ عضت على شفايفها بإعجاب وعينيها كيلمعو ] ياختي على الباشا دقلبي [ هزت يديها وعينيها فسما ] ياربي اجعله من نصيبي
اسماء [ نطقت بأسف ] ولكن مسكين معدب فحياتو...يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
