بين الخطيئة والغفران

Part 88

🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :88

لكبيرة [ كطلع وتنزل فيها بدهشة من شنو لابسة نطقت بتساءل] واش غادة لعرس ولا لبار؟
لجين [ ابتاسمت مخليا سنيناتها لبيضين يبانو ] كيف جيتكم؟
لكبيرة [ وقفت بفقصة] لله يقلل حياك .. اش هاد لباس لابساه واش بغيتي يضحكو علينا
لجين [ عقدت حواجبها باستغراب] علاش ايضحكو ياك كل واحد حر هنا
لكبيرة [ مصت شفايفها بالاعصاب ] راكي فالعروبية ماشي فالمدينة .. واش بغيتي يرجموك
لجين [ قلبت عينيها بملل سابقاهم خارجة ] براكة الكبيرة ويله .. الى بغيتي تمشي
لكبيرة [ نفات براسها تنهدت تابعاها و اسماء من لور] تهنا منك باك ولصقتي فيا انا

خرجو من دار لقاو مهدي كيتسناوهم بطموبيل لي كانت كبيرة مجموعة فيها گاع لعائلة حيت لعرس في دوار اخر طلعو ومشاو فصمت اخيرا وصلو هزت عينيها فالخيمة كبيرة مبنية وسط طريق لي كانت واسعة وكبيرة وصوت ديدجي مسموع فداك دوار كامل ضواو مشعولين فالخيمة وناس داخلة خارجة كل واحد وشنو لابس ... مجموعة من دراري ورجالة واقفين .. جنب لخيمة فتيساع كاينة خيمة اخرى قد لخيمة ديال نسا.. ولكن هادي ديال رجالة عامرة رجال.. وشيخات كيشطحو .. نزلو من طموبيل رجال مشاو خيمة درجال ولكبيرة مشاو لنسا دخلو وگاع لاعين توجهت لجين لما لا وهي لابسة داك لباس بدات لوشوشات على لكبيرة وبنت ربيبها ماتسوقوش ليهم وتوجهو لطبلة لي كانت خاوية تجمعو فديك طبلة جالسين كيتصنطو

لجين [ قربت لكبيرة كدوي بجهد بسباب صوت ] علاش كيشوفو فينا هكا؟
لكبيرة [ طلعتها ونزلتها] حيت شافو شيخة جايا بلا عراضة

ميقت فيها لجين كضحك وتصفق بيديها كتمايل مع شطيح زادت هبطت عند لكبيرة ونطقت

لجين [ عضت على شفايفها] لكبيرة بغيت نشطح
لكبيرة [ مفيكسية عينيها على فورمتها] بهاد الفورمة ليابسة اتشطحي .. اتباني بحال شي ماكينة خاسرة
لجين [ خنزرت فيها] لهلا يحييك الكبيرة هانتي بديتي فتخصار لهضرة..

قاطعتهم مرأة وقفت عليهم لابسة قفطان فلون اخضر فولار فوق راسها مكحلة عينيها سلمت عليهم كاملين وقفت حدا لكبيرة حاطة يدها على كتفها...يتبع