بين الخطيئة والغفران

Part 22

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 22

بخطوات سريعة كتمشا فديك دريبة لخاوية قليل لي كيدوز من داك لقنت .. كارزة بيديها على عبايتها طويلة والعريضة بخوف .. عينيها كيضورو من تحت نقاب برعشة خطواتها تزادو فسرعة وهي كتسمع شي حد وراها كيمشي بنفس سرعة .. سرطت ريقها شاداها لبكية وقلبها بدا يضرب بضربات قوية وكأنه شوية وغايسكت مزال ما استوعبت لامر حتى حست براسها مجرورة من عبايتها مخبوطة مع لحيط حتى حست بضهرها تهرس.. شخص ملتم لابس كولشي كحل .. من غير عينيه لحادين كيبانو من تحت لتام يدو ليمنية مزير بيها على عنقها اما ليسرية هاز بيها موص حاطو على حنكها فوق نقاب..

شخص :[ كيتفحصها بعينيه بابتسامة خبيثة نطق ] اخيرا طحتي بين يدي
عائشة :[ كترتاعش بالخوف بدات دموعها تسقط بصمت نطقت كتشهق ] ش..شكون انت..[مغمضة عينيها بشدة] ش..شنو باغي عندي [حلت عويناتها لي كيطيحو منهم دموع بالانهيار] ع..عفاك اخويا بعد عليا
شخص:[ ميل راسو زمجرة صوتها لهادئة وهي كتبكي خلاتو يغمض عينيه وهو كيتصنط ليها حلهم ميل راسو وهو كيدوز لموس على نقابها] تؤ حشومة تقولي هاد لهضرة.. انا ضارب طريق على قبلك.. وانت باغاني نمشي[ غير صوتو لنبرة حزينة مصطنعة حط صبعو جهة قلبو ] جرحتي ليا قلبي الوردة..

عائشة مابقاتش قادة تكبح دموعها دفنت وجهها بين راحت يديها وشهقاتها كيتسمعو ليه

عائشة [نطقت كتبكي وشهقاتها كيحبسوها من لكلام ] بعد عليا عفاك.. انا عمري اديت شي واحد علاش باغي تآديني..
شخص [ قلب عينيه بملل ونطق بنبرة باردة] براكة من لهضرة لخاوية وقولي ليا اشمن عضو بغيتي ناخد منك

شحب لون من عائشة وكأن كاع دم سقط منها.. هزت عينيها بصدمة لكلام تسرط ليها.. عقلها مامتيقش شنو كيقول كيخيرها مابين اعضائها لي ياخد فيهم .. قاطع صدمتها ليد لخشنة لي جرت شخص.. مطيحو فالارض من غير صوت لكمات لي كيستمعو .. رجليها فشلو عليها وهي كتشوف ضهر عريض لراجل كيدخل لكمات شخص لي كان ناوي يقتلها.. عضلاتو تشدو كتر .. كيلكم فيه بدون ما يتكلم اما شخص فأنينو فقط لي كان كيتسمع فداك درب.. وقف من ضريب فيه عينيه كيف سقر مفيسكيين عليه كيشوف فيه كيف ردو شرويطة.. هز يدو لعامرة بدمو مهبط لتام شخص .. غير شاف ملامحو عض على شفايفو بغضب عينيه تحولو جغمة ديال دم بالاعصاب ناض من عليه .. دفل في الارض وهو كيشوف فيه التافت باش يشوف عائشة لقا غير يديه وريح مسح على وجهو ونطق بصوت خافت

هارون [ نطق بوعد ] بلاصتك فجنبي امولات نقاب..