بين الخطيئة والغفران

part 62

🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 62

اومات براسها وقفت عائشة بخطوات بطيئة تابعة ابتسام ..

لينا [ رافعة حاجبها بإستغراب ] علاش قلتي ليها طيب.. اشمن تقاليد ونتي دارجة تعلمتي ليها بزز
اية [ كتشوف فيها بخبث رافعة حاجبها مبتاسمة ] شتت تفرجي...

فوسط كوزينة كبييرة واسعة وعريضة... كانت واقفة عائشة قدام لبوطاجي هازة كمايمها لفوق وكتگرض في لبصلة لي خلات دموعها ساليين مفزگين نقابها... عرام دالبصلة قدامها... موالفة طيب ولكن بكمية قليلة كتقد عائلتها صغيرة اما دبا فغير لبصلة شي 3 كيلو قدامها مدة طويلة وهي كتگرض حتى سالات كولشي عينيها حمارو.. وتنفخو نصباتها مع لحم والعطرية دازت لبرقوق حطاتو فوق كاسرونة عسلاتو وحطاتو فوق لبوطة.. دقائق وهي واقفة حداه كتسناه يطيب هزت لغلاقة فجأة طاحت عليها لكاسرونة حيت كانت عوجة فوق يدها حتى لعسل لصق ليها فيدها غوتت بصوت مرتفع حتى بح صوتها بحكم لكوزينة بعيدة وهي وحدها فاحتى واحد ما سمعها توجهو بسرعة لناحية لافابو حالة لما على يدها لي ولات حمرا بدات دموعها تسقط بصمت وقلبها كيضرب عضت على شفايفها كابحة غواتها سدت لما نشفت يدها لي بيضة ومع لحرقة ولات كيف شي ماطيشة صوت شهقاتها كيدبحو بسرعة عاودت طيبت داكشي وقاداتو

فوق طبلة كاملين جالسين مترأسها لجد.. صوت خطوات من دروج هابطة وفيدها فاصمة مهبطة عليها عبايتها لي بدلاتها شي لي ماخلاهاش تبان .. عينيها مورمين وحمرين بدون ما تدوي جلست فكرسيها جابو لخدمات لغدا حطوه على طابلة

براق [ بابتسامة كيشوف في عائشة ] قالو ليا نتي لي طيبتي ابنتي؟ [اومات بإيجاب وهي حادرة راسها ] يله بسم الله نبداو

**تسناو

هزو راسهم ناحية صوت كيشوفو خدامة جايا من لكوزينة.. لابسة كيف ابتسام وقفت امام لجد ونطقت حادرة راسها

خدامة : سيدي بغيت نقول ليكم شي حاجة
براق [ رفع حاجبو كيتسناها تدوي ] نطقي ابنتي
خدامة [ هزت عينيها في عائشة ] مرات سي هارون.. فاش كانت كطيب.. [ التافتت ناحية اية ] شفتها كدير شي حاجة في لماكلة
هارون [ شاف في عائشة لي مشطونة غير مع حرقتها وعاود رجع شاف في لخدامة بتساءل ] شنو حطت؟
خدامة [ سرطت ريقها ] سم...يتبع