🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
🍂الجزء : 28
خرجات من الحماام لابسة بينواار فالغوز بارد جاي مع لونها البيض وطايتها الحوتة ...مع تفاصيل جيسمها وشعرها الطويل الفازك ...كلسات فوق سريير كاتنشف فشعرهاا والشرجم محلوول كايدخل برييد بارد على لحمها سخون وحنيكاتها الحمرين ...تنهداات وناضت نشفات حالتهاا وحلات البلكاار كاتشووف شنو تلبس ...بتاسمات منين طاحت بالهاا فكرة زوينة ...وحطات يديها على كسوة فالبيض تووب حريري كايبري شوية شكلها زوين ...بحزامهاا ولبسات معاها بليغة فالبيض مخيطة بدهبيي....لبساتهووم فوق دوبياس وديباردو بيض وسروال ...وهزات المسك دارتو لحمها شوية باش تعطر ...تنهداات وكلسات بلاصتها كاتفكر يديها البضين مزينهووم كورميط ديال دهب كيوت على يديها صغار ...قفزات منين سمعاات صوت طنوبيل ضربات الفراان قريبة لدار وتنهداات بخوف
كان هوا حط رجلييه فالارض خارج من لولوو لابس قميجة بيضة كاتبين شنوو لتحا عضلاتو المخدومين والمقادين ...وداير من فوقها جيلي كحل فيه صدافيي بدهبيي مع سروال كحل لاصق عليه شوية ديال الكلاس ..مع صباط كحل كايبري شكلو راقي وغالي ...شعرو منزلو شوية باش يغطيي حسانتو العصرية ...شعرو الكحل الجداب ولحيتو المطراسية ..مكانتو تجلد وفيدوو بكوي ديال الورد فالحمر والبيض مقادينو على شكل قلب كايحمق واليد تانية فيها شكلاط فطاسة باينة غاالية مدهبة ....وخرجاات عمتوو المرا لي جاياا تخطب ليه بعد ماقنعهاا بسرعة ...كانت لابسة جلابة فالغووز بارد هي وبلغتهاا ودايراا زعما لفولاار وهي اول مرة تلبس هكاا ...كانت باقاا صغيرة شوية مكحلة عنيها وداايراا نضادر ...ومن وراها بنت صغييرة بكسيوة فالبيض والكحل كيوت تقول عندها 7 سنين طالقة شعرها ....حط يديه على سرساار كايصونيي عنيه بارديين ...ومن وراه الخدماات هازيي طوافر بضيين مدهبيين فيهوم كاع لي كاتلبس العروسة وديه معاها ...حل ليهوم محمد لابس جلابة بيضة مبتااسم كايرحب فيهووم وتسالم مع هارون لي مبتااسم وعنيه سوود تاقبين ...دخلوو كلسو فصالوون لي بالبيض والموبرا ودهبيي مقاد على حقوو شكلو زوين ومن وراه عمتو كاتخنز فدنياا وتغوبش ...والبنت كاتبلق فعنيها ...دخلو البيت وكلسوو كايدوييو
محمد:( باادب ) مرحبا مرحباا بيكوم
هارون:( بتاسم هاز وردة من داك البوكيي شادها فيديه حمرة ونطق ) ترحب بيك جنة امولاي
مشات سمية كاتجريي عطيات على عائشة باش تنزل حيت تعطلات وداكشي لي دارت لبسات نيقابها البيض وكحلات شوية عنيها ...وخرجات بشوية كاتمشاا وقلبها كايرجف تنهداات كاادكر الله وكاتحاول ضبط راسها معارفاش سكون الداخل ولكن خووف كبير تملك قلبها ...شدات فيهاا مرام من لوور لي كانت يالاه جاات ناطقة
مرام:( بحب ) شششششت ماتخافييش ربيي مغايخليكش اعائشة سمي الله ويالااه ....
شدات فيديها مدخلاهاا بشوية بنيقابها البيض ...خلات كاع لي الداخل يهزو عنيهوم فريحة المسك ...وفيها هييي ...طلغ هارون عنيه فيهاا بداك نيقاب بعنيهااا ورك على ديك الوردة لي بين يديه حتى تفرتااات....وتصدم باها حيت دايراا نيقااب ...دخلات كلسات كدا باهاا ومرام جنبها كاطلع وتنزل فنااس ...يتبع..
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
