بين الخطيئة والغفران

Part 23

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 23

عضت لكبيرة على شفايفها بغيض.. يله قالت تهنات منها هاد لاعوام لي مشات فيهم هاهي رجعت.. دخلت لجين بلاما تسلم عليها معلية راسها بتكبر كتفحص بعينيها دار كيف ولات.. زوج صالونات كبار كيشوفو فبعضياتهم مفرشين بفراش مغربي 100/100.. فيه 4 طابلات مغطيين..
جنب صالون كاين كلوار طويل كيدي لكوزينة ولحمامات.. التافتت جهة اليمين تلاتة لبيوتة مستفين حدا بعضياتهم مسدودين .. دروج كبار لوسط كيديو لفوق.. زليج بلون ابيض كيبري ..عجبتها دار وابتسامة على وجهها التافتت عند لكبيرة لي واقفة وراها كتشوف فيها قالبة وجهها بغيض

لجين [ اومات براسها بإيجاب وابتسامة خبيثة على وجهها مصغرة عينيهت] احياني علك اشارفة.. غا جدي تفاوت لقبر.. جبدتي لخزنة ديالو فرشتي دارو.
لكبيرة [ قلزت ليها لكبيرة وملامحها كتوحي لغضب] هاكي دار فرشتها برزقي اما داك لمگرد ديال جدك اش خلا
لجين [ كضور فراسها مخسرة ملامحها ] ادكرو امواتكم بخير الكبيرة

تمشات ناحية صالون طالعة بكعبها مخليا لكبيرة اتموت بالفقصة .. جلست لجين فوق صداري براحة حالة يديها على لمخاد كتشوف في لكبيرة بتساءل

لجين [ كتقلب بعينيها] فين هوما ولادك
:: كيسول علينا شي حد
لجين [ قلبت عينيها فاش سمعت صوت عمها ] دكر لكلب وجد زرواطة [ شافت فيه بابتسامة صفرا] احسن عمام فاالعالم لي كيبغيو بنت خوهم جاو اي

تلاتة عمامها واقفين حدا لباب مع زوجاتهم واقفين حداهم كيشوفو في لجين بنرفزة ماحاملينهاش تجي.. علاش لا وهي دار ديال باباها ومخليهم يعيشو فيها داكشي علاش ماحملينهاش تبقا معاهم ولا تشارك عطاهم..

الكبيرة [ جالسة فوق سداري كتشوف في ولادها بابتسامة ] دخلو اوليداتي دخلو

سمعو لهضرتها ودخلو جلسو قالبين وجههم على لجين

لجين [ بسخرية ] الله عمامي ومرات عمامي فرحانين بيا.. [ عينيها مشاو لكبيرة نطقت كضحك] شوفي وجه ولادك وضحكة لي واصلة ليهم حد لودنين..
لكبيرة [ ضربت عكازها نطقت بجدية ] سمعي ابنت عمر .. لمدينة ماشي هي لعروبية ياغادة تشدي طريق .. ياغادة تشدي طريق ماكاينش حل تالت..
لجين [ تقادات فجلستها قالبة عينيها بملل ] واش انا تهنيت من ربيبك جيت عندك انتي [ التافتت ناحية صوت شي كعب هزت عينيها فبنت لابسة سروال مزير على خصرها واخا رقيقة مع تيشورت مبين شقة صدرها طلعتها ونزلتها مكملة كلامها باستهزاء ] ستري غا هاد رجلين دجاجة.. عاد ستريني انا

لكبيرة [ كتشوف فالبنت بابتسامة كتشير ليها بيدها تجي عندها ] أجي ابنت لغالي جلسي حدايا

حيدت لكعب من رجلها وتوجهت عند لكبيرة بخطوات بطيئة حتى عصبت لجين.. جلست حدا لكبيرة سلمت عليها وعنقتها

لكبيرة [ بابتسامة كدوز يدها على شعر لبنت ] هبة بنيتي فين كنتي..
هبة [ نطقت بصوت رقيق بنبرة عالية نسبيا] كنت في لڤيلاج الميمة
لجين [ كطلع وتنزل فيها نطقت بتساءل ] مال هادي كتهضر هكا كي شي معزة مقجوجة؟؟
هبة [ عقدت حواجبها باستغراب شافت في لكبيرة بتساءل] لميمة شكون هادي
لجين [ مقاطعة لكبيرة من كلامها نطقت بغرور] معاك مادموزيل لجين بنت سيك عمر [ ضورت عينيها جهة عمامها لي غير ساكتين حطت رجل على رجل ] الارماني
لكبيرة [ قلبت عينيها كتخسر فملامحها] اوى شلا باك هو لي مطبوع فدرهم..
لجين [ وقفت كتشوف فيهم واحد واحد فيكسات عينيها عند لكبيرة ونطقت بابتسامة صفرة ] هانا اشارفة انمشي نعس فبيتي ماتنوضونيش [ التافتت غادة لبيتها]
لكبير [ وقفتها بصوتها لعالي ] اديك قزيبة لفار.. هاد لحوايج مابغيتش تبقاي تلبسيهم راه ساكنين معاك رجال..
لجين [ خنزرت فيها وتمات طالعة فدروج كتمتم مع راسها ] باينة عندكم رجال..يتبع