🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء: 65
دخل وسط لارض لي كانت فجنبو وفيها زرع رفعت حاجبها وتبعاتو وقف او وقفت امامو...
كتشوف فيه بإستغراب
لجين : شنو ؟
مُحيِي الدين [ بصوت خشن جدي] غادي تحشي معايا
لجين [ خرجت عينيها بصدمة ] كفاش ؟؟
مُحيِي الدين [ بلا مبالاة] كيف سمعتي
.. حطت يديها بجوج على جنابها هازة شوكتها لسما شوية وتفرگع وشمس فوقهم حارة
لجين :[ كضحك بفقصة ] راني كنقول لك انت مريض ولكن ماكتيقنيش.. كفاش جايبني فهاد لحرنة وشمس فوق راسي تگلي باش نحش لك [قلبت وجهها بسخط كتمتم] الله يحش لك ركابي
هز مدرة فيدو معكز عليها.. لابس قميجة فالاسود مخليا عضلاتو يبانو مع صدرو لعريض مخلي تلاتة صدفات محلولين .. سروال مفضفض بلون اسود مع گاط فنفس لون
مُحيِي الدين: [ بصوت رجولي خشن عاقد حجبانو] على داك تبرهيش لي درتي لبارح وخارجة فنص ليل هادي هي عقوبتك
لجين [ مستغربة من هضرتو ] ياويلي وانت مالك؟
لاح ليها لمدرة فالارض مشا وخلاها كدعي عليه بصوت مسموع شافت فالمدرة وهزت عويناتها فيه نطقت بصوت حزين مصطنع باش يحن فيها
لجين [قالبة شفايفها ] اخر مرة ولله.. غير رجعني فين كنت.. عمر وجهي يجي مع خنشوشك [ شافت نضراتو لحادة لي دار فيها ابتاسمت بغباء مكملة كلامها] زعما وجهك..
ماجاوبهاش مخليها باغا تاكل روحها تحنات بغات تهز لمدرة بجهد ماشافتش لمسمار لحاد لاصق فيها شرطت صبعها .. غوتت بألم حتى صوتها كنضن وصل لدوار وقفت شادة صبعها لي مجروح شوي كيخرج منو دم كتبكي جوج دموع مع لعينين.. سمع غواتها تمشا بسرعة عندها شاد فيها
مُحيِي الدين: [ كيتفحصها بعينيه] شنو وقع لك ؟ [شاف فيها ] فين تضربتي
لجين [بشهقة] شوف فصبعي
نزل عينو لصبعها لقا جرحة صغيرة خارجة منها نقطة ديال دم.. عض على شفايفو بالاعصاب لي غادة تركب فيه
لجين [ مكملة حديتها كأنها شي حد حيد ليها يدها] شوف خسرت بزاف ديال دم..[كلامها كيتحبس بشهقات] غادة نموت ياك.. يله نمشيو لسبيطار
مُحيِي الدين: [كيشوف فيها بعدم لفهم من هاد لمخلوقة لي كتبكي من جرحة خاصها لمجهر باش تشاف نطق بسخرية] شوفي خسرتي قراعي ديال دم [بعد عليها خشا يديه فجيابو كينفي براسو] محال تبقاي عايشة من هنا لسبيطار .. يعني إلى متي اندفنك هنا...يتبع ..
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
