بين الخطيئة والغفران

Part 71

🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 71

خواو بيها رجليها شدها قبل ما طيح عينيها مقلوبين حطت صباعها على نيفها كتحس بشي حاجة سخونة نازلة من نيفها شافت فيدها ولقات دم.. تخلعت عينيها لمعو بدموع

مرام [ بصوت مخنوق ] دم
ناصر [ هزها بين يديه ونطق وهو غادي ] شتت ماتخافيش

حطت راسها على صدرو مغمضة عينيها وضربة كتوعتها كتحس بجبهتها وعينيها طاحو بخطوات سريعة خرج برا توجه لطموبيل ركبها وكسيرا مخلي لعجاجة وراه.. وقف امام مستشفى هزها بين يديه ودخل بيها شافوه لفرمليات وجابو لبياص بسرعة حاطها عليه دخلوها لغرفة تم داخل طبيب شدو من طابليتو نطق رافع حاجبو

ناصر [ بصوت خشن] اسي طبيب فين غادي
طبيب : عند لمريضة
ناصر [ عقد حواجبو ] فين طبيبة؟
طبيب: ماكايناش

نتر طابليتو ودخل عند مرام لي كانت دايخة ماجايبة لدنيا خبار.. عض على لسانو ودخل تابعو دقائق وهو كيداوي فيها وهي حابسة لبكية

طبيب [ بابتسامة ] بشيفة [ هز عينو في ناصر] خرج اسيدي خلي لمريضة ترتاح
مرام[ قاطعاتو مغمضة عينيها بحقد ] خرج عفاك

شاف فيها وشاف في طبيب كيخنزر وخرج.. وقف امام لباب.. مرام بسباب دوا لي عطاها طبيب نعست.. ابتاسم بخبث وهو كيشوف فيها كيف ناعسة وبعض خصلات شعرها خارجة ولاصقين على جبهتها حط يدو على زيفها واليد تانية على صدرها وابتسامة ماكرة على ملامحو.. تفرع لباب شي لي خلاه يقفز ويبعد عليها سرط ريقو وهو كيشوف في ناصر كي مفيكسي عينيه على مرام .. تفاحة ادم كطلع وتنزل بخطوات سريعة شدو من لكول ملصقو فالحيط كيغوت بالاعصاب

ناصر : شنو كدير اولد ل**ة
طبيب[ كيتفتف ] كنت غير ..

مزال ما كمل كلامو عطاه لكمة لوجهو حتى ضار رجعو امامو ونطق

ناصر [ تحت سنانو] شنو كنتي باغي اولد ل***ة باغي تلمس فيها[ زاد عطاه لكمة حتى رعف ] علاش ماباغينش تفرقو عليها اولاد ل***ب علااااااااش

عطاه بروسية حتى طاح طبيب ومزال نازل عندو يزيد عليه حتى ولا كيف جرتيلة وناس مجموعين كيعيطو على لبوليس.. مادازش بزاف وكانو لبوليس فالغرفة...يتبع