🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂
•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•
•" بِـرِيـشَـةِ :سَمِيـرَةِ غَــدْ "•
الفـصـل الأول
الـجـزء : 60
لجين [ رفعت حاجبها] فاش غادين نتفاهمو؟
مهدي [ تقاد في جلستو بصوت خافت نطق ] بجوج بينا كنكرهو هاد لعائلة والى تجمعنا بجوج انضمروهم [ غمزها وميل راسو ] لكبيرة عندي ليها لورقة رابحة لي اتخليها تكره راسها
لجين [ بدات ضحك كتنفي براسها ] تؤ تؤ ماغادينش نتفاهمو [ عقد حواجبو كيتسناها تكمل حطت سبابتها فوق صدرها ] انا لعائلة عارفيني كنكرههم الى بغيت ندير شي حاجة انديرها قدامهم [ شيرت ليه بصبعها ] انت كتبين كتبغيهم ولكن فالحقيقة حاقد عليهم...[هزت يدها كتشوف في ضفارها] لجين وتنافيق ماشي عشران..[ وقف دافعة لكرسي تمشات قدامو حطت يدها على كتفو وتحنات كتهضر بهمس] ديك لورقة رابحة لي على لكبيرة[ زادت قربت ليه ] فزگها وطلعها معاك [ تقادات فوقفتها ونطقت بصوت مرتفع نسبيا] امون كوزان
تمشات بخطوات بطيئة خارجة من لكوزينة مخلياه كيشوف فيها بحقد وكيغزز بسنانو.. وقفت امام صالون لي فيه عمامها وزوجاتهم كيهضرو شافوها وسكتو.. حولت عينيها ناحية اسماء لقاتها جالسة فقنت بوحدها وشادة تيليفون حيدت بانطوفة من رجليها وتمشات ناحيتها مخشية فيها كطل على تيليفون
لجين [ بصوت خافت نطقت بتساءل] تعشيتو ؟؟
نفات اسماء براسها مزال كتشوف في تيليفون عقدت لجين حواجبها بإستغراب من شنو كتشوف ضورت عينيها ناحية تيليفون كتلقاها كتهضر في واتساب مع شي نمرة مامسجلاش
لجين [ بلاما ضور عيونو ناحيتها نطقت مصغرة عينيها] شكون هدا ؟
اسماء [ بابتسامة خجولة ] يعقوب
لجين [ التافتت ليها كطلع وتنزل فيها رافعة حاجبها] ومالك كضحكي؟
اسماء [ عضت على شفايفها] قال ليا ايجي يخطبني
لجين [ بدون وعي غوتت حتى ضاور كيشوفو فيها ] شنو [ التافتت ليهم فاش عرفت شنو دارت ابتاسمت ليهم ابتاسمة صفرا ورجعت شافت في اسماء ونطقت بهمس] شنو ؟؟
اسماء [ كتشوف في تيليفون وعينيها كيبريو ] شحال وانا نتسنا فيه يجي يقولها ليا
لجين [ ميقت فيها] كتبغيه المدلولة؟
اسماء [ نفات براسها بسرعة ] لا ولكن كيعجبني من اول ما جا لدوار وشفتو
لجين [ بتساءل ] شنو قلتي ليه
اسماء : عطيتو نمرة بابا
اومات براسها بإيجاب وابتسامة على تغرها فرحانة لبنت عمها.. بقاو تما دقائق وهوما كايهدرو حست لجين بالخنقة استأدنت منها وخرجت امام دار كان سقيل واخا يله 9 ويله كيأدن لعشا.. نسيم دالبرد كيضرب فوجهها غمضت عينيها براحة وهي كتمشا وكتسمع صوت لادان حتى بعدت على دار عاد عاقت براسها توقفت لحضة كضور حولين نفسها كاينين غير لاراضي وضرگ شي بولات هوما لي مضويين ديك لبلاصة سرطت ريقها بخوف اش داها تخرج .. ماعقلتش على اشمن زنقة دخلت ليها كانت ساهية حست بصوت خطاوي توقفو وراها بسرعة ضارت كتشوف جوج اشخاص واقفين لابسين عادي كيطلعو فيها وينزلو بشهوة
شخص لاول [ عض على شفايفو بخبث كيميل فراسو ] زين .. اش كيدير فهاد ليل
شخص تاني [ كيضحك ] جابها لهوا فنصاصات ليل
شخص لاول [ كيضحك بخبث غمزها] جابك لكوا فنصاصات ليل
رجليها فشلو.. دقات القلب بوتيرة سريعة كيدقو.. فمها نشف.. ودم من وجهها نزل.. يديها كيرجفو وداتها بردت عليها... مابقاتش قادة دير حتى حركة.. كمارتهم وهضرتهم خلعتها.. كانو بجوج رقاق وجههم فيه سيكاطريس ديال ضرابي.. كيتمشاو بجوج ناحيتها ببطء وهي كترجع بلور .. حتى تسطحت مع شي صدر قاصح... غمضت عينيها وعنقت راسها.. ريحة رجولية قوية دخلت مع جيوب انفها قلبها تزادو دقاتو وكرشها تقلبت عليها.. فجأة بدات تسمع فخطاوي ديال جري مبعدين على لبلاصة لي فيها هي حلت عينيها كتشوفهم هربو.. تنفست براحة بسرعة بعدت على داك شخص لي كان وراها والتافتت كتلقاه مُحيِي الدين قلبت شفايفها ودموع فعينيها بدون اندار تمشات ناحيتو مخشية فصدرو وكتبكي...يتيع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
