🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂
•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•
•" بِـرِيـشَـةِ :سَمِيـرَةِ غَــدْ "•
الـفـصـل الأول
الـجـزء : 48
بغا يحط يدو على يدها يجرها حتى حس بيها غادة تنصل كان مُحيِي الدين جارو عندو عطاه بكروشي حتى طاح شخص كيتوجع .. شخص تاني كيشوف فصاحبو هز عينو في مُحيِي الدين لي عيونو تحولو لجغمة ديال دم كيزفر كيف تور بالاعصاب بخطوات سريعة جا عندو شخص تاني باغي يضربو بجنوي شد لي فيها جنوي وعطاه كروشيات لكرشو كيزوي فيه .. اما لجين فاكانت واقفة بعيدة عاضة على يدها كتشوف فيهم بخوف خرجت عينيها بصدمة وغوتت بجهد
لجين : عنداااك
التافت ناحيتها حتى حس بشي حاجة حادة دازت فوق كتفو ماحسش بضربة حيت دمو سخون شد شخص لي ضربو عطاه بروسية حتى طاح شرويطة وصاحبو حداه كيتوجع ناض من عليهم كيشوف فيهم دخل فالارض مفيكسي عينيه عليه بغضب شديد ناض شخص الاول هاز صاحبو راجل بلور وكيهدد فيه بكلام قبيح
فاقت لجين من صدمتها بخطوات سريعة تمشات ناحية مُحيِي الدين كتشوف في جرحة ماكانتش عميقة غير خفيف خسرت ملامحها حطت يدها على دم لي خارج من تيشورت
لجين [ نطقت بتأسف] تجرحتي[ هزت عويناتها فيه والحزن باين فيهم] تقصحتي؟؟
مُحيِي الدين [ كيشوف فعينيها بشرود نفا براسو ونطق قالب عينيه جهة تانية ] لا غير جرح خفيف
بعد عليها ومشا جلس فوق حجرة لي كانت كبيرة جنب لواد قلبت شفايفها بحزن كتحمل لمسؤولية لراسها بخطوات بطيئة توجهت ناحيتو جلست قفازية جنبو كتشوف في لجرحة لي گعما مسوق ليها
لجين [ بتساءل ] شنو غادين نديرو دبا ؟؟ واش انمشيو
مُحيِي الدين [ ببرود ] لا
لجين [حولت عينيها جهة جرحة قلبت شفايفها بحزن ونطقت] حيد تريكو باش نمسح لك دم لي فالجرحة
سمع لكلامها وهز تيشورت مقلعو مخلي صدرو لي فيه زغيبات قلال يبان عريض ومشدود باين خدام عليه مزيان سرطت ريقها وهي مفيكسية عينيها عليه.. حط تيشورت فجنبو عطاها كتفو مخليها تخربق فيه
لجين [ بصوت هادئ بللت شفايفها] عطيني شي حاجة نمسح بيها... يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
