🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂
•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•
•" بِـرِيـشَـةِ :سَمِيـرَةِ غَــدْ "•
الـفـصـل الأول
الـجـزء : 27
*اصبحنا واصبح الملك لله
مخصرة ملامحها من طرقات فالباب لي نوضوها من نعاسها هزت يديها كتحك فعينيها بغضب اعدا حاجة عندها هي شي حد يفيقها من نعاسها.. مزال طرقات فالباب عضت على شفايفها بغضب حطت رجليها فوق الارض متاجهة ناحية لباب بخطوات سريعة حالاه كتشوف مرات جدها واقفة قدام لباب كطلع وتنزل فيها مبدلة ملامحها .. تسندت لجين على لحيط شعرها طالع لسما لابسة شورط قصير مبين فخاضها مع تيشورت مخلي كرشها كاملة عريانة
لجين [ كتفوه وكتحك عينيها رفعت حاجبها ونطقت] مالك اختي بايتة تحلمي بيا
لكبيرة [ كطلع وتنزل فيها والغضب مسيطر عليها ] يخوي لك جناب ازطيو نح.. بولك حماض من لبارح ونتي ناعسة
لجين [ قلبت عينيها بملل ] ياك اختي بولي انا [ حطت يدها على صدرها] ماشي بولك.. اوى ديها فراسك ياخزيت
لكبيرة [ ضربتها بعكازها لفخضها حتى غوتت لجين بألم ] اوى الله يقلل حياك.. ماكتحشمي من لي كبر منك.. لالياتك راه ناضو بكري طيبو لفطور ونتي شركتيه مع لغدا
لجين [ تقادات فوقفتها مبتاسمة ليها ابتسامة لغدايد] اوى الى مابسعتيش مني غادة نشركك معاهم [ خبطت لباب بجهد ونطقت شاداها لبكية بالفقصة هازة يديها لسما ] ياربي فرقها عليا راها غادة نصيفطها عندك
تنهدت حيدت حوايجها بقات بي كالصو تمشات ناحية باليزاتها لي طلعهم شيفور لبيتها حلت باليزة صغيرة .. لقات مجموعة من زيوت وكريمات وجيل دوش.. هزت جيل ديال لفريز مع شامبو خلت لباليزة محلولة وناضت توجهت لدوش.. غسلت لحمها وشعرها.. قادات لحمام هزت بينوار فلون اسود لبساتو نشفت رجليها وخرجت سدات لباب وراها نشفت لحمها مزيان جبدت كريمات طلاتهم على جسمها تمشات ناحية لباليزة تانية لي عامرة بالحوايج.. ختارت ملابس داخلية فلون احمر اكتر لون كيحمقها فالملابس داخلية كتحس بيه مثير بلا قياس .. هزت فوطة صغيرة وشي زيوت شعر وسيشوار فيدها جديدة وقفت تاجهت لمراية كتنشف فشعرها بالفوطة.. هزت سيشوار قدات بيه شعرها بزربة حطاتو وهزت زيت كباتو في يدها حطاتو على نيفها كتستنشق ريحة
لجين [ تنهدت ] الله على ريحة غزالة{ بحالكم بالبنات 😍}
خشات صباعها فشعرها كدير مساج براحة مغمضة عينيها.. حلتهم وهزت مشطة كتمشط بشوية
لجين [ قلبت شفتيها] امتى غادة طوال.. غير طوال [ بوعد ] وعد عمري نقطعك ولله
حطت لمشطة ولتافتت ناحية لباليزة تاني كتقلب على شنو تلبس اخيرا لقات ..[] مع سبرديلة فالبيض واقفة حدا لمراية كتقاد فالميكاب اكتفات بالايلاينر وعكر فلون حمر بارز شفايفها عطات بوسة لراسها فالمرايا
لجين [ رفعت حاجبها ونطقت بتكبر ] انطرطق ليهم لمرارة بزيني
تبسمت وتوجهت ناحية لباب حالاها وخارجة هابطة فدروج بخطوات موزونة وتابتة عينيها كيتفحصو دار مالقات حتى واحد جمعت حواجبها بإستغراب حتى كتشوف شي خدامة خارجة من لكلوار عيطت عليها وجات عندها
لجين [ بإستغراب ] فين هوما
لخدامة [ بابتسامة ] فجردة الالة
لجين [ بابتاسمت بالمقابل ] لجين احبيبة بلا لالة
خلاتها ومشات خارجة لجردة لي كانت جنب دار كتمشا فوق لحجر لي كان وسط لعشب كيدي ديريكت طابلة تمشات فوقو كتسمع سقيل والهدوء حتى كتشوفهم جالسين فوق طبلة طويلة داير بيها لكراسة لي جالسين وسطهم لعائلة والكبيرة هي لي مترأسة طابلة غير صوت طيور هوما لي كيتسمعو تمشات وقفت ورا لكبيرة
لجين [ بصوت مرتفع حتى قفزت لكبيرة ] صباح الخير على احسن عائلة فالعالم
لكبيرة [ كتمتم مع راسها بغضب] الله يخليها سلعة
لجين عينيها مشاو لعمها لي كيشوف فيها بابتسامة على وجهوو ابتسامتها وساعت بخطوات سريعة تمشات عندو مخشية فحضنو
لجين [ بفرحة] عمي مراد
مراد [ كيطبطب على ضهرها مبتاسم باس على راسها ونطق] بنت خويا توحشتك
لجين [ بعدت عليه وعينيها لامعين بالفرحة ] ناري اعمي شحال توحشتك فين كنتي
مراد [ بدا يضحك ] دينا اسماء عند جداها
التافتت ناحية اسماء لي كانت واقفة جنب طابلة كتشوف فيها رافعة حاجبها حاطة يديها على جنبها لجين عينيها وساعو غوتت بصوت مرتفع حتى سدو ودنيهم بالغوتة مشات تجري تلاحت عليها حتى طاحو بجوج فوق الارض كيضحكو ولجين صاية طلعت ليها
لكبيرة [ كتولول مضرگة وجهها] ويلي ويلي استغفر الله لعضيم..
لجين [ كضحك فرحانة كتبوس فيها ] وااااع توحشتك توحشتك اموكة
اسماء [ كضحك وتبعد فيها ]نوضي من عليا خنقتيني
ناضت لجين كضحك وكتقاد فكسوتها كتشوف في عمها كيضحك عليهم التافتت في شخص لي ماحيدتش عينو عليها ابتاسم ليها ولكن ما رضاتهاش ليه قلبت عينيها جهة اسماء بنت عمها.. كتشوف فيها بحب.. لابسة سروال بوي فريند فزرق مع دلك مبين فورمتها مؤخرتها خارجة ومهزوزة مع قميجة طويلة مضرگاها شعرها طويل واصل لخصرها فلون بني عويناتها عسليين حجبانها مقادين نيفها صغير فمها مطراسي بشرتها بيضاء ولكن مع صيف والبحر تبرونزات.. ملامحها كتوحيي انها ضريفة وبريئة كتموت على لجين ولجين كتر منها ..يتبع
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
