🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :87
*اصبحنا واصبح الملك لله
جالسة فالكوزينة قدامها طبسيل فيه شي وصفة هازة فيدها مراية كتحط صبعها في طبسيل ودوزو على وجهها قدامها اسماء لي مربعة يديها وكتشوف فيها
اسماء [ باستغراب كتشوف في داكشي ] شنو داكشي لي كديري فوجهك؟
لجين [ ابتاسمت] وصفة زوينة لوجه
اسماء [ جلست قدامها كتسناها تكمل ] شنو فيه
لجين [ كتشوف راسها فالمراية] فيه معلقة دقيق روز ومعلقة دقيق لابيض...جوج معالق كبار ديال لما ورد طحنتهم في مونينيكس.. حتى يولي خاتر وديري[ ميلت راسها جهة اسماء لي كتشوف فيها ] نوضي غسلي وجهك واجي ديريه
ناضت اسماء دارت داكشي لي قالت ليها غسلت وجهها ونشفاتو وجات جلست حداها خادت من عندها لمراية
اسماء [ تبورشت بالبرودة لي فيه] هادشي بارد .. لاش كيصلاح
لجين كتشير ليها بيدها فوجهها بلي اتولي زوينة .. كملت اسماء وغسلت طبسيل جات جلست جنبها كيشوفو في بعضياتهم ولجين فيها ضحكة وحابساها ليتكمش ليها وجهها دازت 15 دقيقة وناضو غسلوه دوزو مربعة ديال تلج على وجههم هزت لجين لمراية كتشقلب فيه وجهها
لجين [ عضت على شفايفها مبتاسمة ] شو زين بلا ماسك زوين... اما فاش درتو طايح كتر من نايض
اسماء [ طلعت ونزلت ميقة فيها ] وعندك صندالة مقطعة فوجهك .. ماعرفتش منين جبتي هاد ثقة فنفس .. تا الى قلنا لكبيرة راها غا مرات جدك
لجين [ رفعت حاجبها نطقت بتساءل ] شنو انديرو معاها مااتبغيش تخلينا.. نمشيو
اسماء [ بدات ضحك وغمزتها] ماتخافيش طلبتها لبارح
اومات براسها بإيجاب وطلعت لبيتها تقاد...دازو ساعات وليل جا لعرس قرب يبدا ولكبيرة واسماء جالسين فصالون اسماء لابسة قفطان فالباج مع حزامو جا مع فورمتها مخليا شعرها مطلوق على كتافها مصايبة ميكاب خفيف مع اكسسوارات.. لكبيرة قفطان فالازرق ملكي محزمة حتى هي فوق كتافها زيف كبيرة مغطيها فوق راسها فولار فلون اسود مكحلة عينيها وسواك في فمها.. لوشم وسط حجبانها وتحت فمها ..ساعة وهوما كيتسناو في لجين تهبط تسمع صوت كعب هابط من دروج وقفت امام صالون كتشوف فيهم بغرور لابسة كسوة فالابيض قصيرة مزيرة على خصرها معريا من ضهرها وشقة صدرها باينة سنسلة على شكل قلب مزينة رقبتها شعرها القصير مصايباه بوكلي ومخلياه مطلوق شفايفها فلون احمر ميكاب ديال لعراسات تقيل على وجهها...يتبع...
أنت تقرأ
بين الخطيئة والغفران
Romanceشفتو لبوسط احبيباتي ديرو جيم وفرگعوووو لبووووووسط🔥🔥 #قـــــــصــــــة_حــــــصــــــريــــــة_ولـأول_مــرة #بــيــن_الــخــطـــيــئــة_والـــغــفــراان...🫀🍂 #بـــقــلــمي :: Samira Rd 🍂وَإذَا رَأَيت حُسنَه وهُو يَبْتَسِم، قُلْتُ رَبِي اغفِر لعَ...
