بين الخطيئة والغفران

Part 72

🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء: 72

مشات لدارهم ليل كامل وهي غير فبيتها كتسنا امتى يوصل غدا متحمسة تعرف على شخص جديد بالخصوص الى كانت امراة..

*اصبحنا واصبح الملك

كسيوة طويلة فلون اسود نصاصية من ليدين ولكن مستورة صنيديلة ديال صبع وطربوش فوق راسها مغطيها على شمس مبتاسمة ابتسامة عريضة هزت يدها كدق على لباب ماتسناتش بزاف ديال الوقت وخرج محيي الدين حال لباب.. تفحصاتو بعينيها من لفوق لتحت لابس تيشورت عريض على جسمو فلون اسود.. سروال مفضفض فلون اسود وصندالة فنفس لون وتكشيرة على وجهو

لجين [ هزت عينيها رافعة حاجبها ناطقة بتساءل ] مالك مكحلها على لوقت ؟
محيي الدين [ بصوت رجولي باح] شفتك درتيها بصح وجيتي
لجين [ شدت على صدرها دايرة راسها سخفانة ] اوف سخفت دخلني نشرب غير لما

حل ليها طريق قالب وجهو دخلت كتمشا بخطوات بطيئة تابتة كتشوف امامها وخصرها كيتمايل مع خطواتها لموزونة تبعها وقلب عينيه ماكيشوفش فيها وفحركاتها

دخلت لباب ديال دار كضور عينيها كانت دار متوسطة الحجم.. صالون فجنب مشمس مفرش فراش مغربي لوسط طابلة مغطية.. حولت عينيها ناحية ليسر.. كانت كوزينة مجهزة وحتى هي داخلة ليها شمس .. جنب كوزينة كان بيت مردود جنبو كانو دروج كيطلعو لفوق.. التافتت ناحيتو لي كان واقف وراها كيتسناها تكمل تبرگيگها

لجين [ بابتسامة ] فين خالتي شمس

شير ليها بعينيه ناحية لبيت لي كان مردود توجهت ناحيتو حاطة يدها على لمقبض وحالاه .. كانت شمس جالسة فوق ناموسية لي كانت كبيرة مغطية بغطا فلون گري شعرها طويل فلون بني طالقاه لابسة بيجامة نصاصية ابتاسمت لجين وتوجهت جلست جنبها

لجين [ هزت يدها باستها كدوز عليها بحنان] صباح الخير اخالتو شمس.. كيف صبحتي
شمس [ غمضت عينيها وحلتهم فهمتها بلي قالت بيخير]
لجين [ كتفحص بعينيها لبيت ] بيتك زوين ..[ التافتت ناحيتها بصوت هادئ نطقت ] ونتي منوراه
شمس [ شبه ابتسامة بانت على شفايفها]
لجين [ رفعت حاجبها] تغديتي؟؟[ نفات شمس براسها]ليوم اتاكلي احسن غدا من يدياتي... يتبع