Chapter 151
ယခုလေးပင် လွတ်မြောက်သွားသည့်အကျဥ်းသားက တစ်ဖက်အဖွဲ့မှမစ်ရှင်၏ ခေါင်းဆောင် ဖြစ်လာသည်လား။
ကျွင်းချင်ယွီက ယင်းနှင့်ပတ်သက်၍ တစ်ခုခုမှားသည်ဟူ၍ မတွေးမိပေ။ တစ်ဖက်လူကိုဖမ်းဖိခြင်းက သူ၏မစ်ရှင်ကြောင့်ဖြစ်စေ မတော်တဆကြောင့်ဖြစ်စေ ကိစ္စမရှိပါချေ။ စွမ်းအင်ကျောက်များက သူ့လက်ထဲမှာဖြစ်၏။
ထိုအရာများကို တွက်ချက်ဖို့ မလိုပေ။
ထို့အပြင် တစ်ဖက်လူနေရာယူပုံမှာ ထူးဆန်းသည်။ သူ့ပတ်ဝန်းကျင်တွင် (သူမှလွဲ၍)အခြားလူတစ်ဦးမှ မရှိချေ။
သူက ကွန်မန်ဒါဝတ်စုံကိုပင် ဝတ်ဆင်ထားဆဲရှိနေပြီး လက်ကမ်းစာစောင်ထက်က တောက်ပသည့်စာလုံးများပမာ ထင်ရှားလှသည်။ သူ၏အထောက်အထားကိုလူတွေမသိမှာကို သူ့ကိုလူတွေမမြင်မှာကို စိုးရိမ်နေသည့်အလားပင်။
အကယ်၍ ကျွင်းချင်ယွီသာ တစ်ဖက်လူကို သူမသိသည်မှာသေချာမနေပါက ထိုလူအား သူပျိုးထောင်ထားသည့်လျှို့ဝှက်အေးဂျင့်ဟုပင် ထင်မြင်မိပေလိမ့်မည်။(သူလျှိုအဖြစ်ရန်သူ့အဖွဲ့ထဲထည့်ထားသူ)
သူ့ဘေးမှ လက်အောက်ငယ်သားသည်လည်း ထိတ်လန့်သွား၏။ ယင်းက စီစဥ်ထားသည်နှင့် ကွဲပြားနေသည်လေ။ "ဘော့စ်၊ မင်း မူလအစီအစဥ်အတိုင်း လုပ်နေတုန်းပဲလား"
ဒါမှမဟုတ် ကျွင်းချင်ယွီ၌ တခြားအစီအစဉ်များ ရှိနေသည်လား။
"ထွက်သွား..."
"ဟုတ်ကဲ့..."
ကျွင်းချင်ယွီက ကားပြင်ကိုထွက်ပြီး သိပ်မဝေးသည့်နေရာမှ အမျိုးသားထံ လျှောက်သွားလိုက်သည်။
ရှောင်ယွီရှေ့မှလာနေသည်ကို ဖုယွမ်ချွမ်းမြင်လိုက်ရလျှင် သူ့မျက်နှာထက်၌ အံ့အားသင့်သွားသည့်အရိပ်အယောင်လေး ဖြတ်ပြေးသွား၏။ သူကသူ့ဘေးမှ မစ်တီးခွက်လေးကို လက်ထိပ်များဖြင့်ထိနေရင်း သူ့အားမသိစိတ်ဖြင့် ကြည့်နေမိသည်။
ကျွင်းချင်ယွီ တိုးတိုးလေးပြောလိုက်သည်။ "ငါတို့တစ်နေရာရာမှာ တွေ့ဖူးလား"
