اللهم ربّ الفلق، ربّ الرجال الذين لم يناموا، فقد كانوا طوال الليل يحرسون حلما و يصنعون مجدا ويقاتلون لأجل ديننا.. اللهم غزة بما فيها و بمن فيها يا الله 🤲🏼
كثفوا الدعاء لغزة.. لا تخذلوها ولا تتركوها 💔🇵🇸
ــــــــــــــــــــــــــــــ
صلوا على رسول الله ﷺ ♡
كانت تلعب مع مرام في حديقة الدار وضحكاتهم تتعالى شيئا فشيئا قبل أن تأتي المديرة وتقطع ذلك، كانت إمرأة خمسينية ذو ملامح حادة ووجنتاها مجوّفة قليلا، ولديها في نظرتها شيء من البغض .. نادت على مرام بأعلى صوت فتوقفا الإثنتين عن اللعب وتقدما نحوها فقالت بوجه خاليا من التعابير: فيه عيلة هتيجي تشوفك الاسبوع ده
ابتلعت الصغيرة ريقها بذعر وتبادلت النظرات مع رنيم التي شحب وجهها فجأة وسألت المديرة مستفهمة: خير يا مدام نبيلة هيجو يشوفوها ليه؟
المديرة: طالما بتستعبطي وانتي فاهمة كل حاجة فهقولك .. العيلة دي لو عجبتهم مرام هياخدوها و يتبنوها
تمسّكت الصغيرة في رنيم وتشبثت بها وهي تحرك رأسها يمينا ويسارا وتهتف: لا لا انا مش عايزة اروح مع حد
رنيم باعتراض: بس التبني حرام شراعا!
المديرة: يا بنتي فيه كتير عيال جداد بيجو الدار كل يوم ولازم نعمل توازن
رنيم ببهوت: توازن ازاي؟
المديرة: يعني طفل بيجي وطفل بيروح علشان ميزانية الدار تكفي اللي هي اصلا عمرها ما كفت وكل العيال هنا تقريبا عايشين بالتبرعات اللي بتيجي من برا علشان عددهم كبير وبيتزايد
رنيم: طيب انا هاخد مرام معايا، هي هتعيش معايا ومش هتروح في حتة
أطلقت المديرة ضحكة عالية وصاخبة ثم قالت بسخرية: قولتيلي هتعيش معاكي! طب فين يا حلوة؟ انتي معندكيش ولا بيت ولا شغل ولا حاجة، عاوزة تشرشحيها معاكي وتعيشيها على بوء المياه! انتي يا دوبك بتشحتي مني علشان اسمحلك تباتي هنا
كان كلامها كالخناجر السامة تخترق نياط قلبها وتجعله ينقبض مع كل كلمة تقولها لها، ختمت المديرة المتعجرفة كلامها قائلة: وبعدين مش اي حد فيه ياخد طفل من هنا بسهولة، دي فيها شروط تعجيزية
حبست دموعها رغما عنها وسألتها بصوت محتقن: بتتضمن ايه الشروط دي؟
رفعت يديها وأصبحت تعد عليهم مع كل إصبع شرط: لازم يكونوا اتنين متجوزين، ومتفاهمين علشان الطفل يحظى بالأمان وبحياة سليمة من غير مشاكل، وكمان الوضع المادي لازم يكون كويس، والشقة مريحة ويتعمله اوضة خاصة بيه وفيه وفيه...
رنيم بصدمة: متجوزين!! هو لازم يكونوا اتنين متجوزين! يعني انا....
قاطعتها: يعني انتي يا شاطرة مستحيل تقدري تتبنيها الا لو كنتي متجوزة واحد فيه الشروط اللي قولتهالك من شوية
أنت تقرأ
لهيب إنتقامه (مـكتـملة)
Romanceكان كل همّه أن ينتقم .. أن يُؤلِمَ كما تألَّم .. لم يكن يعلم أنها في الداخل .. لم يكن يعلم أن ذلك البيت الذي يَودُّ حرقه آنذاك كان يأوي الفتاة التي ستحتل قلبهُ وحياته ما الذي دفعه لحرق ذلك المنزل؟ وماذا كانت تفعل هي هناك؟ لنرى كيف سيجمع القدر بين...
