لو أعجبكم الفصل ماتنسوش تصوتوا عليه (بالنجمة اللي تحت) كتشجيع منكم وشكرا لكم 🌹❤
ــــــــــــــــــــــــــــــــــــ
صلوا على سيدنا وحبيبنا محمد ﷺ
يومٌ جديدٌ تشرق شمسه ويملأ نوره أرجاء الكون، إلتقى أدهم بيوسف بعد غياب يومين متتالين، توجه أدهم إلى مكتب هذا الأخير وانتظره هناك، وعندما أتى أخبره بكل ما حدث في اليومين التاليين وبشَّرهُ بخبر حمل هدير، أشرق وجهه بإبتسامة وهتف بسعادة: بجد يا ادهم! ألف مبروك يا حبيبي ان شاء الله ربنا يتمم على خير ويجعله من الذرية الصالحة
أدهم: ربنا يبارك فيك يا يوسف. انت هتبقى خال وعم بنفس الوقت
يوسف: انا مبسوط جدا وربنا، انت وهدير بتستاهلو و الحمد لله
أدهم: عقبالك يا رب و نسمع منك خبر زي ده
ابتسم يوسف ثم غمز له قائلا: ان شاء الله يا أدهوم
نظر له أدهم بغموض ثم ضيّق حدقتيه قائلا: اممم يعني الامور اتطورت وماشية كويس! الحمد لله بقى ربنا يسمعنا عليكو اخبار حلوة
كان باب المكتب مفتوحًا قليلًا، مما أتاح لصلاح سماع صوتهما عندما كان يمر من هناك فالتحق بهما وهو يقول بمرح: و عقبالي انا كمان. بس فيه ايه!
يوسف: انت هتبقى عم يا صلوحة
همَّ لكي يحتضنه ويهنئه وهو يقول: بجد يا يوسف! ألف مبروك
ضحك يوسف قائلا: مش انا ياسطا ده أدهم
صلاح: مبروك يا أدهم ربنا يتمم على خير و يجعله من الذرية الصالحة
أدهم: ان شاء الله يا صلاح ربنا يكرمك انت كمان
صلاح: آمين يا حبيبي
ثم سأل يوسف قائلا: يونس بيه وصل ولا لسه؟
يوسف: لسه. بس هو تعبان شوية و مش هيقدر يجي
أدهم مستفهما: امال هيجي مكانه مين؟
يوسف بامتعاض: البشمهندسة رنا
تغيرت كل من ملامح أدهم وصلاح وهتف هذا الأخير قائلا بتبرم: ربنا يعينك يا صاحبي
صلاح: بص يا يوسف اوعى تديلها وش، وقع الكام ورق و خلص بسرعة و ارجع على بيتك
يوسف: انت بتقول ايه يا صلاح، بقى انا بتاعت النصايح دي!؟ وبعدين اديلها وش ليه؟ نسيت اني متجوز؟
غمز له أدهم قائلا: سيبه يا صلاح ده عاشق و مابيحبش غير مراته ماتخافش عليه
صلاح: عارف يا أدهم من يوم ما حصل الحريق و انا قولت يوسف هيحب البنت دي و مش هسيبها الا لما يتجوزها وفعلا كلامي حصل بالحرف الواحد
أنت تقرأ
لهيب إنتقامه (مـكتـملة)
Romansaكان كل همّه أن ينتقم .. أن يُؤلِمَ كما تألَّم .. لم يكن يعلم أنها في الداخل .. لم يكن يعلم أن ذلك البيت الذي يَودُّ حرقه آنذاك كان يأوي الفتاة التي ستحتل قلبهُ وحياته ما الذي دفعه لحرق ذلك المنزل؟ وماذا كانت تفعل هي هناك؟ لنرى كيف سيجمع القدر بين...
