သားရွှေဥ [Complete]

Chapter 15 uni&zaw

သားရွှေဥ .....15

                       အပိုင်း-၁၅

ရောင်နီဦး... တစ်လောကလုံးဒီကိစ္စကိုသိနေကြပြီ
နင် ဘယ်လိုမျက်နှာနဲ့ ကျောင်းဆရာလုပ်မှာလဲ...ဟမ်
နင်က ဘယ်လိုဆရာတစ်ယောက်လုပ်မှာလဲ .."

အမေ့ခြံထဲကထွက်လာတဲ့အထိ ဒီအသံကသူ့နားထဲကပ်ငြိ၍ပါလာခဲ့သည်။
ဘယ်လိုလုပ်..ဘယ်လိုလုပ်ပြီး ဒီကိစ္စကိုလူတွေသိသွားရတာလဲ။
ဒီအချိန်မှာကွက်ကလည်းအိမ်မှာရှိမနေပါ...
သူ့ဘက်ကသိတဲ့လူဆိုတဲ့ ဆရာသန်းလှိုင်တို့လင်မယားပဲရှိတာ၊ ဆရာတို့ကလည်းသူ့ကိုရှေ့ထားပြီးဒီကိစ္စကို ဘယ်လိုမှလိုက်ပြောမှာမဟုတ်ဘူး။
အဲ့တော့ သူ့ဘက်ကနေပေါက်ကြားတာမဖြစ်နိုင်ဘူး..

ရွှေဇီးကွက်ပဲ ...သူဘက်ကကတိ၃ခုပဲတောင်းခဲ့တာ၊
အဲ့တာကလည်းဘယ်သူ့ကိုမှထိခိုက်စေတာမဟုတ်ဘူး။ ဒါတောင်နှုတ်မလုံနိုင်ဘူးလား..

သူကအခုဘယ်လိုမျက်နှာနဲ့ဒီရပ်ကွက်ထဲသွားလာနေထိုင်ရမလဲ..၊ ယောက်ျားတစ်ယောက်ဖြစ်ပြီး..

သူဒေါသထွက်ပြီးရွှေဇီးကွက်ပြန်အလာကိုစောင့်နေခဲ့သည်။

ကွက်ကလည်းမနက်ဖြန်ချဲထွက်မှာမို့ ရောင်းထားတာ
တွေဒိုင်ကိုတင်ပြီး စာရင်းရှင်းရသည်။
ချဲက နှစ်လုံးလိုအိတ်စိုက်‌လျော်ဖို့မသက်သာတော့
သူကိုယ်တိုင်တင်ပြီး၊ ပိတ်ဂဏန်းရှိရင်တစ်ခါထဲဖယ်ရသည်။ သူ့ဆီမှာထိုးတာတွေကအချီကြီးတွေလေ...

ည‌မှောင်ခါနီးမှအေးအေးလူလူထမင်းစားဖို့အိမ်ပြန်လာသောအခါ...
" ရွှေဇီးကွက်..."
" ဘာတုန်း..."
ဆိုင်ကယ်ရပ်ပြီးအိမ်ထဲဝင်ယုံရှိသေး၊ ‌အိမ်ထဲကလူကမျက်နှာရှစ်ခေါက်ချိုးနဲ့သူ့ကိုဆောင့်ခေါ်သောအခါ..

" ဘာဖြစ်နေတာလဲ..ခင်ဗျားက.."
အပေါ်မှာအိမ်သားတွေအကုန်ရှိသည်၊ ရုပ်ရှင်စုကြည့်
နေကြသည်။ ဒါပေမယ့်သူဒါကိုအခုမှထုတ်မမေးရင်
ဒီတစ်‌ညလုံးမြိုသိပ်ထားရမည်၊မနက်ဖြန်လည်းကျောင်းကိုဒီအတိုင်းသွားရမည်... သူမနေနိုင်ပါ။
ဘာဖြစ်ဖြစ်အခုပဲရှင်းမှဖြစ်မယ်..

" မင်း ဘာလို့ကတိမတည်တာလဲ "
" ဘာလဲ ဘာကိုလဲ..."
" ငါကမင်းကို ကတိ၃ခုပဲတောင်းခဲ့တာ..."
" အဲ့တော့ အခုမှဘာလာဖြစ်နေတာလဲ.."