Unicode
ဒိုင်ယာနာကို ကူညီပေးပြီးနောက် ကုရီလင်ကရထားလုံးပေါ်သို့ပြန်တက်ကာ ဒီကမ္ဘာကြီးကိုဆက်လက်စူးစမ်းရှာဖွေဖို့အသင့်ဖြစ်လို့နေပြီ။
ခဏအကြာတွင် ရထားလုံးကိုရပ်ခိုင်းလိုက်ပြီး ဝေလာ့ဒ်မိသားစု၏ပိုင်ဆိုင်မှုတိုင်းကိုကြည့်ရှုသည်။စတိုးဆိုင်အများစုသည် ကောင်းကောင်းမွန်မွန်လည်ပတ်နေကြသလို ဆိုင်တာဝန်ခံတွေကသူတို့ကိုလေးစားသမှုနဲ့ဆက်ဆံသော်လည်း ထိုလေးစားမှုအများစုက ဂရိတယ်၏အရည်အချင်းကြောင့်ဖြစ်သည်။လေးစားမှုအများစုက ထိုလေးစားဖွယ်ရာလူအတွက်သာထားရှိပြီး အရည်အချင်းမရှိသည့်သခင်ငယ်လေးအတွက်မူအနည်းငယ်သာသီးသန့်ပါဝင်သည်။
ဂရိတယ်သည်ကုရီလင်၏အမူအရာကိုဂရုတစိုက်စောင့်ကြည့်နေတာဖြစ်သည်။ထိုဆိုင်တာဝန်ခံက သခင်လေးအပေါ်သူ၏ဂရုမပြုမိတဲ့သဘောထားကြောင့် သခင်လေးစိတ်တိုဒေါသဖြစ်မည်အားကြောက်ရွံ့နေတာပင်။စိတ်ထဲပူပန်နေရင်း သူ့ကိုယ်သူသာ နှာခေါင်းရှုံ့လိုက်မိသည်။
ကုရီလင်ကသက်ပြင်းချကာ ရုတ်တရက်ကြီး ဂရိတယ်ကိုစိတ်မဆိုးချင်တော့။
"ဂရိ မင်းဒါတွေအများကြီးကိုလုပ်ဖို့ တော်တော်လေးအားစိုက်ထုတ်ခဲ့ရတယ်မဟုတ်လား?"ဂရိတယ်ကသခင်လေး၏ကျောပြင်ကိုတစ်ခဏလောက်ကြည့်ပြီးနောက် သူ့မျက်ဝန်းများက မျက်ရည်ပေါက်ထွက်လုမတတ်နာကျင်သွားသယောင် တိုးတိုးလေးပြောသည်။
"မခက်ခဲပါဘူး သခင်လေးအတွက်ဆိုရင်အရာအားလုံးကထိုက်တန်ပါတယ်…"ဂရိတယ်သည်အခုအချိန်လောက် ကျေနပ်မှုမျိုးကိုတစ်ခါမှမခံစားခဲ့ရဖူးပေ။ကန္တာရထဲ လေးလံတဲ့အထုတ်ကြီးကိုထမ်းလို့ ခရီးဝေးတစ်ခုကိုလမ်းလျောက်သွားနေရသည့်သူအတွက်က ခြေဖဝါးကိုကျောက်ခဲတွေဆူးဝင်နေသော်လည်း ဒီခရီးဟာထိုက်တန်၏မထိုက်တန်၏ကိုသူမသိခဲ့ သူမတွေးခဲ့။လမ်းအဆုံးတွင် သူလက်လှမ်းမှီနိုင်သည့်ထိုလူသားက ရုတ်တရက်လှည့်ကာ ဝမ်းနည်းနူးညံ့သည့်မျက်ဝန်းတွေနဲ့သူ့ကိုကြည့်ကာ
"မင်းရဲ့ကြိုးစားအားထုတ်မှုတွေကိုငါသိပါတယ် မင်းကိုတကယ်ကျေးဇူးတင်တယ်"
ထိုစကားလေးတစ်ခွန်းကပင် ထိုသူအဖို့ ပျော်လွန်းလို့မျက်ရည်ကျလောက်ပေသည်။
YOU ARE READING
ဗီလိန်အားသွေးဆောင်ဖြားယောင်းခြင်းအစီအစဉ်[Mm-translation] Zawgyi And Unicode
Romanceကုရီလင်က အမှားပြင်ဆင်သူတစ်ယောက်ဖြစ်သည်။သူ့တာဝန်က အမျိုးမျိုးသော ကမ္ဘာတွေကိုဖြတ်သန်းပြီး မှားယွင်းနေတဲ့ ကမ္ဘာတွေကိုပြုပြင်ရန်ဖြစ်သည်။ သူက အေးဆေးတည်ငြိမ်တွေးခေါ်တတ်ပြီး အလွန့်ကိုမှထိန်းချုပ်နိုင်သူလည်းဖြစ်တဲ့ အမှားပြင်ဆင်သူတစ်ယောက်ပင်။ တစ်နေ့တွင်သူကထူ...