"လာ…အိမ်ပြန်ကြစို့ ဂရိ…ငါဒီည အသားကင်စားချင်တယ်။ဒီတစ်ခေါက်တော့ မီးမကျွမ်းစေနဲ့တော့…ရှောင်ဟေးအတွက်လည်းငါးချက်ပေးလိုက်ပါဦး…ဪ…ပြီးတော့နွားနို့ကောပဲ"
ဂရိတယ်က စိတ်လှုပ်ရှားနေဆဲဖြစ်သည့်သူ့သခင်လေးကိုကြည့်ကာ
"သခင်လေး ပျော်နေတာလား?"ကုရိလင်သည် ဂရိတယ်ဆီမှာတစ်ခုခုလွဲနေပြီကို သတိပြုမိကာ မျက်မှောင်ကြုတ်လိုက်၏။
"မင်းဘာဖြစ်နေတာလဲ?"သူစောနကအရမ်း အိုအိုစီ(out of character)ဖြစ်သွားလို့များ ဂရိတယ်ကသူ့ကိုသံသယဝင်နေတာလား?
"မင်း စိုင်ရယ်ကိုကြိုက်နေတာလား?!"
သူ၏ဖိစီးနေတဲ့စိတ်ခံစားမှုတွေက ထိုအခိုက်အတန့်မှာ ထွက်ပေါက်တစ်စုံတစ်ရာကိုတွေ့ခဲ့သည့်နှယ်။ဂရိတယ်က ဝမ်းနည်းကြေကွဲစွာနဲ့ သူ့အရှေ့ကစိတ်လှုပ်ရှားနေတဲ့သခင်လေးကိုကြည့်ရင်း သူ့ရဲ့ယဉ်ကျေးတဲ့အသွင်အပြင်က လုံးဝပျောက်ကွယ်သွားခဲ့သည်။
ကုရီလင်မှာ အံ့ဩလွန်းလို့ ပါးစပ်ဟောင်းလောင်းဖြစ်သွား၏
"ဘာလို့ ဒီလိုထင်ရတာလဲ"ဂရိတယ်သည် ရုတ်တရက် ရထားလုံးထဲမှာထိုင်နေသည့်ကုရီလင်ကိုအနိုင်ကျင့်တော့သည်။ဘေးနှစ်ဖက်လုံးကို လက်ထောက်ကာ ကုရီလင်ကိုသူ့အလယ်တည့်တည့်တွင်ဖမ်းချုပ်ထားလိုက်သည်။ကုရီလင်သည် စွဲဆောင်မှုရှိတဲ့ယောက်ျားဟော်မုန်းတွေကသူ့ဆီပျံ့လွင့်လာတာကြောင့် နည်းနည်းစိတ်ရှုပ်သွားရ၏။မှုန်မှိုင်းဆာလောင်နေတဲ့သားရဲလိုမျိုး ဂရိတယ်ဆီကနေ အရူးအမူးစွပ်စွဲခံနေရလေ၏။
"မင်းသူ့ကိုမကြိုက်ရင် ဒိုင်ယာနာရှေ့မှာ ဘာလို့သူ့ကိုချီးကျူးနေတာလဲ?ကျွန်လေလံပွဲတုန်းက သူနဲ့အချိန်ကောင်းလေးဖြစ်ခဲ့တာကကော?သူနဲ့ကယ်လီကိုဘာလို့စောင့်ကြည့်နေတာလဲ?ဒိုင်ယာနာနဲ့အတူတူ သူနဲ့ကယ်လီကို ဖြတ်ခိုင်းဖို့လည်းအားတက်သရော်ပဲ စိုင်ရယ်ကိစ္စကမင်းနဲ့ဘာဆိုင်နေလို့လဲ! "
ဂရိတယ်သည် ဒေါသထွက်လွန်းလို့ တုန်လှုပ်နေ၏။လက်လှမ်းကာ ကုရီလင်၏နူးညံ့သိမ်မွေ့ပြီး အံ့ဩနေသည့်မျက်နှာလေးကို ညင်ညင်သာသာ ပွတ်သပ်လိုက်၏။ဒေါသတွေဖျေဖြောက်ပြီးနောက် သူ့စိတ်ထဲမှာ ဝမ်းနည်းမှုကတရိပ်ရိပ်ထိုးတက်လာသည်။
YOU ARE READING
ဗီလိန်အားသွေးဆောင်ဖြားယောင်းခြင်းအစီအစဉ်[Mm-translation] Zawgyi And Unicode
Romanceကုရီလင်က အမှားပြင်ဆင်သူတစ်ယောက်ဖြစ်သည်။သူ့တာဝန်က အမျိုးမျိုးသော ကမ္ဘာတွေကိုဖြတ်သန်းပြီး မှားယွင်းနေတဲ့ ကမ္ဘာတွေကိုပြုပြင်ရန်ဖြစ်သည်။ သူက အေးဆေးတည်ငြိမ်တွေးခေါ်တတ်ပြီး အလွန့်ကိုမှထိန်းချုပ်နိုင်သူလည်းဖြစ်တဲ့ အမှားပြင်ဆင်သူတစ်ယောက်ပင်။ တစ်နေ့တွင်သူကထူ...