မှော်စက်မှုအင်ပါယာ - ရှုယီ (ဘာသာပြန်)

အခန်း ၀၇၆ ။ မှော်ဖန်တုံးမီးအိမ်

မှော်စက်မှုအင်ပါယာ

အခန်း ၀၇၆ ။ မှော်ဖန်တုံးမီးအိမ်

အောက်တိုဘာလအကုန်မှတော့ အတော်လေးကို အေးစပြုလာပြီဖြစ်သည်။ ဘန်တာမြို့ကလူတွေလည်း စတင်ပြီး အဝတ်အစားမျိုးကို လုံခြုံစွာဝတ်ဆင်လာကြသည်၊ အဝတ်အစားများကို သူတို့ကိုယ်ပေါ်မှာ တင်းတင်းကြပ်ကို ထုတ်ပတ်ထားကြတော့သည်။

လမ်းမပေါ်ကနှင့် အခန်းထဲက အပူအချိန်နှင့်ယှဉ်လိုက်လျှင် ထုံးစံအတိုင်း နည်းနည်းပိုပြီးမြှင့်မားနေပေမယ့် တစ်ယောက်မှ စကတ်တိုဝတ်ဆင်နိုင်ခြင်းမရှိတော့ပါ။ စတေးလ်၊ အီဗီတာနှင့် အာကာလီ သူတို့ကအိမ်ထဲမှာ ရှည်လျားပွယောင်းသည့်အဝတ်အစားများ ပြောင်းလဲဝတ်ခဲ့ပြီးပြီးဖြစ်ကာ သူတို့ရဲ့ကိုယ်လုံးကို အပြည့်ဖုံးထားခဲ့ကြသည်။

ရှုယီက သူတို့ သုံးယောက်စလုံးကိုကြည့်ပြီး စိတ်ပျက်စရာကောင်းသည့်ခံစားချက်မျိုးရရှိသွားသည်။

ဒါပေမယ့် ထိုသို့ထူးဆန်းတဲ့ခံစားချက်များကို မြန်မြန်ဆန်ဆန် ဖိနှိပ်ထားလိုက်သည်။ သူက စားပွဲပေါ်မှာရှိနေသည့် ဖန်လုံးကိုသာ အာရုံစိုက်ထားနေလိုက်တော့သည်။

စိုင်စ်နယ်မြေမှာရှိသည့် လက်မှုပညာသည်တိုင်းလိုလို အရည်အချင်းအနိမ့်ပါးကြသည့်မဟုတ်ပါ။ ဖန်ထည် ပြုလုပ်ရာမှာ ထူးချွန်ကြသည့် သူများရှိနေကြသေးသည်။ သူတို့ရှေ့မှာရှိနေသည့် အလုံးကြီးက ဖန်ဖြင့်သာပြလုပ်ထားပြီး လုံးဝကိုအကြည်ဖြစ်နေခဲ့ပြီး မသန့်စင်သည့်အရိပ်ယောင်တစ်ခုမှရှိမနေခဲ့ပါ။ ထိုဖန်လုံးက အတော်ကိုထူထဲနေလျှင်တောင်မှပဲ မျက်နှာပြင်က အရမ်းကိုချောမွေ့နေတော့သည်။ ကမ္ဘာဂြိုလ်ရဲ့ စံနှုန်းထားကို အခြေခံပြီးသတ်မှတ်ရလျှင် ဒါက အတော်ကိုပြောင်မြောက်လှသည့် ဖန်ထည်ပြုလုပ်ခြင်းပင်ဖြစ်သည်။

"အဲ့ဒါက မှော်ဖန်တုံးတုံးမီးအိမ်ဆိုတာလား" ရှုယီက ဖန်လုံးကိုကြည့်ပြီး စတေးလ်ကိုမေးလိုက်သည် "ဒီဟာလေးက ရွှေဒင်္ဂါး (၂၀၀) ပြားတန်ကြေးရှိတယ်ပေါ့"