မှော်စက်မှုအင်ပါယာ - ရှုယီ (ဘာသာပြန်)

ဖိတ်ကြားခြင်း

[Unicode]
မှော်စက်မှုအင်ပါယာ
အခန်း ၀၁၉ ။ ဖိတ်ကြားခြင်း

ဘန်တာမြို့ရဲ့ အနောက်မြောက်ဘက်နှင့် မဝေးသောနေရာတွင် တောအုပ်စိမ်းလေးနှင့် ဆက်သွယ်ထားသည့် လမ်းငယ်လေးတစ်ခုရှိနေသည်။ ထိုလမ်းကြောင်းရဲ့ (၂) ကီလိုမီတာ အကွာခန့်တွင် အလွန်အမင်းမြောက်မြားစွာသော မြေနေရာပိုင်ဆိုင်ထားသည့် အိမ်ကြီးအိမ်ကောင်းရှိပါသည်။

အဆိုပါအိမ်ကြီးမှာ သစ်ပင်ပန်းမန်တွေ ဝန်းရံပေါက်ရောက်နေသာကြောင့် လုံးဝင်ကိုပင် စိမ်းစိုနေတော့သည်။ အိမ်ကြီးထဲမှာ အခန်း (၁၀) ခန်းထည့်သွင်းတည်ဆောင်ထားပြီး ရှုပ်ပွပေရေနေမှုမရှိပဲ သပ်သပ်ရပ်ရပ်ရှိနေပါသည်။

အချိန်တိုင်းလိုလို ငှက်ကလေးရဲ့ အော်မြည်သံတွေကြားနေရပြီး အိမ်းကြီးကို ပိုမို ငြိမ်သက်အေးချမ်းနေလို့ထင်ရစေပါသည်။

အိမ်ကြီးရဲ့အနောက်ဘက်မှာ တောင်လေးတစ်လုံးရှိနေကာ ကြည်လင်ရှင်းသန့်သည့် စိမ့်စမ်းရေများ တောင်ပေါ်ကနေ တသွင်သွင်စီးဆင်းနေတော့သည်။ အေးမြသည့်မြူခိုးမြူမှုန်တွေက အိမ်ကြီးကို ဝန်းရံထားပြီး တောင်ခြေမှာလည်း ရေကန်လေးကန်ဖြစ်ပေါ်နေတော့သည်။

တသွင်သွင်စီးဆင်းနေသရွေ့ ရေက ကြည်လင်သန့်ရှင်းနေပြီး ဘာဝကျကျ အေးမြသည့် မြူမှုန်တွေကိုဖြစ်ပေါ်စေလျက်ရှိသည်။

စမ်းချောင်းဘေးတွင် သစ်သားအိမ်လေးတစ်လုံးရှိနေပြီး လက်ရှိချိန်မှာတော့ မြို့စားကြီးလက်စ်လိုင်းက သစ်လုံးအိမ်မှာရောက်နေပြီး စမ်းချောင်းလေးကိုကြည့်နေခဲ့သည်။ သူက ဖိနပ်ကိုချွတ်လိုက်ပြီး စမ်းချောင်းထဲသို့ ခြေသလုံးကိုပါနှစ်ပြီး ရေစိမ်လိုက်သည်။ စမ်းရေရဲ့အေးမြမှုကိုခံစားရင်း အချိန်နှင့်အမျှ ငြိမ်းချမ်းမှုရဲ့အရသာ ခံစားနေလေသည်။

အဲ့ဒီအပြင် သူရဲ့ဘေးမှာလည်း မှော်ပန်ကာဖွင့်ထားပါသေးသည်။

မှော်ပန်ကာက ထွက်လာသည့် လေအေးလေးတွေကြောင့် သူရဲ့ဆံပင်တွေလည်း လေလွင့်နေခဲ့သည်။

ခဏအကြာ မျက်စိမှိတ်ပြီး သာယာမှုကိုင်ခံစားနေပြီးနောက် မြို့စားကြီးလက်စ်လိုင်းက သူ့ခေါင်းကိုခါလိုက်သည် “ ဒီပစ္စည်းက ပြောလောက်အောင်ကြီးကောင်းတာတော့မဟုတ်ဘူး၊ ရေခဲမှော်အစီအရင်ကိုတော့ မယှဉ်နိုင်သေးဘူး။”