မှော်စက်မှုအင်ပါယာ - ရှုယီ (ဘာသာပြန်)

အခန်း ၀၈၉ ။ သခင်လေး ကျွန်မကိုကယ်ပါ

မှော်စက်မှုအင်ပါယာ

အခန်း ၀၈၉ ။ သခင်လေး ကျွန်မကိုကယ်ပါ

ကျောင်းဆင်းခေါင်းလောင်းတီးလိုက်သော် ကျောင်းသားများသည် သူငယ်ချင်းများနဲ့စကားပြောခြင်းသော်လည်းကောင်းအနားယူခြင်းသော်လည်း လုပ်ကြလေသည်။

ဘာရွန်ရစ်တိုမှော်အကယ်ဒမီ အတန်းသည် တနာရီခွဲသာရှိ၍ နားချိန်ကမိနစ်နှစ်ဆယ်ရှိလေသည်။ ထိုရသောအချိန်ကိုကောင်းကောင်းကြီးအသုံးချ၍ အနားယူကြလေသည်။ ထိုအထဲတွင် မနားသူက ဗီဗီယန် ။

ထိုင်ခုံတွင်သာ ထိုင်နေ၍ စာကြည့်လေသည်။ ခေါင်းထဲတွင်အသေစွဲနေရန် အကြိမ်ကြိမ်အထပ်ထပ်မှတ်သားလေသည်။

သူမမိဘများသည်အစေခံများဖြစ်သောကြောင့် မွေးကတည်းကအစေခံဖြစ်ခဲ့သည်။ ရှုယီ မခေါ်လာခင် ဆယ့်လေးနှစ်အတွင်းတွင် ကျွန်အဖြစ်နဲ့သာနေခဲ့ရသည်။

ဗစ်ကောင့်ထ်လက်စ်လိုင်းကအခြားသူဌေးများထက် ကောင်းကောင်းဆက်ဆံသော်လည်း ကျွန်ဟာကျွန်သာဖြစ်သည်။ ကြင်နာသနားခြင်းသည် မသတ်ရုံတမင်သာဖြစ်သည်။ ထိုကဲ့သို့ပညာသင်ခွင့်ဆိုတာ အိပ်မက်ပင် မက်၍ရမည်မဟုတ်။

ရှုယီဆီရောက်သောအခါမှသာ သူမဘဝအကြီးအကျယ်ပြောင်းလဲသွားသည်။ နေစရာစားစရာပူစရာမလိုသည့်အပြင် အလုပ်သည်လည်းရိုးရှင်းလှသည်။

အရင်သခင်များထက်လည်း အများကြီးသာလေသည်။

သူ့ဆီရောက်လာပြီးကတည်းက စိတ်ထားအားလုံးကိုပြင်ဖို့ ဆုံးဖြတ်ချက်ချထားပြီးဖြစ်လေသည်။ ရှုယီသည် သူမ၏ မဖွံ့ဖြိုးသေးသောကိုယ်ကို နှစ်ခြိုက်သူဟု ယူဆထားမိသည်။

သို့သော် နှစ်လသာကြာသွားသည် သူမကို ထိပင်မထိ။ အနည်းငယ်စိတ်ပျက်သော်လည်း အပျော်ကြီးပျော်မိသည်။

သူလိုသခင်မျိုးကရှားလှသည်။ သို့သော် သူ့ကိုယ်ကိုသဘောမကျလျှင် အချိန်မရွေးရောင်းနိုင်သည်လား။ သေချာလှသည်။ အချိုးအစေခံမများကပြောပြသည်က သူတို့ကိုယ်ကိုရွံ့ရှာစိတ်ဖြစ်ပေါ်လာလျှင် ပို၍ဆိုးသောသခင်များဆီသို့ ရောင်းချလျက်ရှိသည်တဲ့။