عَـودةُ الـوِصَالّ

-مُهم-

السلام عليكم ورحمة الله وبركاته

لاحظت ان في كتير منكم فثانوية عامة ، عايزة أقولكم انتوا قدها بجد ومتوتروش نفسكم ..وملكوش دعوة نهائي بحالة وسام واللي بيحصلها وهىٰ كدة- مش القصد تماماً اني أوتر من حضراتكم وأكيد ده بان في السرد و الحوار..

أنا مش عايزاكم تاخدوا السلبي اللي فالحبكة في حاجات تانية لازم تعلموها وتاخدوا بالكم منها وهي انكم تبعدوا عن أي توتر خالص ومتحطوش نفسكم تحط ضغط وهوس اني مش قدها أو مش هلحق او مش هحقق حلمي- كل دي حيل من الشيطان عشان يشتتك ويهز ثقتك في نفسك..الأهم خليكم واثقين في ربنا قبل أي حاجة

•وبصوا دايماً علي دول
[يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ]
[وَأَن لَّيْسَ لِلْإِنسَانِ إِلَّا مَا سَعَىٰ]

وأنا ٱسفة لو الرواية بتضغطكم بطريقة ما ، أو بتستنزف طاقة حد فيكم- دي قصة وفيها عبر ومشاكل وحياة بتحصل معانا ، كلنا هنا في "عودة"  بإختلاف الوضع والأشخاص فعشان كدة عارفة انها بتلمس مشاعر ناس كتير وبيتأثروا منها_ لكن أنا الكاتبة وبقول لحضراتكم انتم اقوى من انكم تتأثروا بحكاية  نهايتها سعيدة ان شاء الله - أنا حقيقي بحبكم ومش نفسي خالص حد يتدايق من الأحداث اللي غصب عني و هي دي طريقة سيرها
عوضكم عن كل ده رواية (بهاقية وبلوجر) اللي هتنزل بعد عودة الوصال بشوية..ان شاء الله بيئة وناس وحياة ووضع مختلف وكوميدي أكتر وأخف..،

وأه عودة الوصال زي ما قولت قربت تخلص ان شاء الله اللي مخليني متأخرة وعدد الفصول زاد هو "السرد", اللي بحب انه ياخد حقه وميتكروتش عشان تعيشوا مع المشهد ..
السرد بياخد مساحة كبيرة جداً من الراوية وعندي في الفصول الأخيرة أخد أكبر من الحوار نفسه ،  وأنا عارفة ان حضراتكم اتعلقتوا ببها ومش عايزينها تخلص فإن شاء الله وبإذن الله تعالى اللي مهتم ولقيت في كتير منكم عايزين حلقات خاصة هنزلكم علطول- بعدد معين-
نيجي  لـ" الشخصيات ( نيروز)* "

أنا مقدرة ان في ناس كتير بتكرهها أو بمعني أصح مبقتش تتقبل "نيروز".. دي حرية رأي في ناس قدرت اللي هي فيه وعذرتها وناس لأ ووقفت بكل ما عندها مع "غسان"!

بس احنا بعضنا زي نيروز بكل طباعها الوحشة اللي محدش حاببها.. محدش مثالي ، بس مينفعش اتعود ان أي ابطال في رواية لازم يكونوا كاملين وسويين نفسياً  ومثاليين في كدة أعزائي خالص خالص!!
غسان مش مثالي وفي عيوب أكيد واضحة زي الشمس
كل شباب الرواية فيهم نقص من حته ومن نحية تانية فيهم الحلو اللي ممكن يغطي على كل ده
كل بنات وسيدات الرواية فيهم عيوب بتظهر وظهرت زي ياسمين واندفاعها  وزي وردة وضعفها وسكوتها بدون رد فعل ، عايدة السلبية وفرح اللي بتتغير بعد ما كانت شخصية ضعيفه - الضعف هنا مش ضعف الكلام والتعامل ، ضعف التفكير ، ضعف انها مش قادرة تخرج من الماضي وخوفها منه! أب خلف وساب ، وأخ من أب مربي ليهم الرعب بين فترة التانية ، حياة غير مستقرة نفسياً ، اخت من أب حصلها كتير وأسرار مخفية وهم مش فاهمين ، أخ من اب وام "عز" عاش ليهم يكافح ..ابوه سابه مسئول زي ما ساب التاني مسئول ، التاني اللي لو كان قرب وخد حقه بالقانون كانت حياته هتتصلح ، حبه لأهله كان أقل من كرهه لأبوه ومرات أبوه وأخواته من أبوه -
نيروز والماضي والتعلق اللي بعضنا عارف وفاهم ان التعلق ده أقرب لمرض ملوش علاج لو الشخص اللي متعلقين بيه كان غالي أوي
وجميلة وحياتها اللي في زيها كتير عايشين بأب من غير أب!! 
بياخدوا عقد منه وبس بدون رحمة مع انهم بيستاهلو يكونوا مُدللين ..دا مأثر عليها بالسلب- واحدة متعودتش يتقالها كلام حلو ولا اتعودت على أن احدهم يدللها ويعاملها بحنية وحب فترد رد معروف ومتعودة عليه ! عشان كدة عندها جفاء نوعاً ما مع عز.. اللي متفهم ومدرك حالتها وفاهم انها مش قادرة تعبر - بس العوض- العوض في النهاية لأن  الرحلة كلها مش وحشة..في نور في خير في جبر في نهاية الطريق في رب مببنساش!

" في تحليل شخصيات تانية بس مش عايزة أطول عليكم ولكن اللي هامه الأمر يقولي انزل لو محدش مدرك ومتعمقش أوي فالشخصيات اللي حاولت بقدر الإمكان أظهرها بحلوها والوحش اللي فيها"

نرجع لـ حاجة تانية مهمة نقطة الحجاب* الحكاية دي لمحة بسيطة ..مقصودة ..ولكن مش مقصودة دون وعي وفهم ، مقصودة لأن في كتير مننا بيعمل كده فعلاً وببنساه أو بيقلعه قدام أشخاص المفروض أنهم اجانب عنها !!

دا مش حلال! ومش صح **، وحاجة تتدايق في نيروز ، واللي مدايق من كدة بحييه فعلاً لأنه مش عادي واللي نوعاً ما زيها ربنا يقدرهم ويعينهم على الستر أكتر وأكتر ولو كنتوا بتنسوا وبتسهوا فحاولوا تاخدوا بالكم ومرة فمرة هتقدروا ..وده مجاهدة ومحاولة عليها حسنات ❤️.

نيجي بقا للأهم أوي أوي أوي.. البارت هينزل امته ؟
هنزله ان شاء الله بكرة وهحاول ده يحصل لان ٱخره مكملش بس هسيبكم مع اقتباس صغير يبرد قلوبكم ..

~~~~~~~~~~~~~~~~~~~~~~~

ضمه بشدة ودفع ولده الٱخر كي يحتضنه ، فإحتوى الثلاثة بعضهم ودخل "عز" مع "ٱدم" على هذا المشهد المتأثر حيث أردف "ٱدم" حينها يقطع وجع هذه اللحظة بمشاعرهم المتضطربة :

_" طب وأنا يا عمي ؟ مليش نصيب؟ ده أنا يتيم!!"

أخفى "عز" الاهتزاز وابتسم بتأثر يخرج ملابس "غسان", وأيد "ٱدم"في كلماته:

_", وأنا  كمان يتيم !"

ضحك "حامد" ومسح عينيه بسرعةٍ وفتح ذراعيه بلهفةٍ في هذه اللحظة التي خرجت بها مشاعره بصدقٍ وقال  بضجرٍ أولاً :

_" طب ما أنا كمان يتيم "

وأضاف يشير بذراعيه :

_" بس انتوا لأ طول ما أنا موجود ، تعالوا قربوا !"

~~~~~~~~

باي❤️
•دمتم بخير
_سارة ناصر