#أمواج_الحياة

جزء4

مروة _خالد
شوفي واش رايك نخرجو ندورو اصلا مراكيش تاع قراية هيا نروحو_نضت رحنا قعدنا في جاردة على الكرسي حطيت راسي على كتفها رونق كون جا بابا في كتافي ميصراليش هكا لوكان لي يقدم ليا يخرجلو بابا في وجهو واحد ميتجرأ يقدملي ولا يدرديرلي حاجة عيانة ليوم لوكان مسترنيش ربي راني قعدت فضيحة _مروة حنونتي هذا امر ربي سبحانو وابتلاء لازم تصبري عليه وباباك ربي يهديه ان شاء الله ونتي ان شاء الله تقراي نتي وخوتك وتعوضو يماك على كامل هذه المشاكل وهذا العذاب _ان شاء الله حقا رونق حبيت نقصدك في حاجة _ايه قولي _تقدري تشوفيلي باباك يدبرلي خدمة في كاش بلاصة _حابة تخدمي ؟؟وقرايتك _معليش نخدم ونقرا خير من لي ماما راهي من دار لدار سعات يسلكوها وسعات لا _معليش نشوف مع بابا يدبرلك خدمة في بلاصة مليحة بوقت يساعدك وسلاك مليح_ان شاء الله_هيا درك لازم نروحو
روحت للدار مدمرة فتت على ماما في الكوزينة بستها وقعدت _مروة وشبيك رحتي لباس رجعتي هكا فاشلة وعينيك حمر كاش ما صرالك _غير قاتلي هكا غرغرو عينيا _مروة بنتي احكيلي وشبيك _لالا ماما والو واقيل زدرت برك نروح نريح _ايه روحي بنتي درك نديرلك تيزانة_لالا متعييش روحك درك نشرب دوا نريح _ايه روحي_ حقا ماما بابا ليوم دخلت للبيت ملقيتوش ماشي عوايدو يخرج بكري _ شفتي حتى انا حرت فيه يادرا وين همل على الصباح _خليه يروح وين يحب المهم يهنينا وراني هدرت مع رونق تشوفلي خدمة غير نلقا متزيديش تروحي عند طاطا فوزية
رحت للبيت تكيت وبقيت نشوف مع السقف وغير نبكي غايضتني روحي من كلشي زعما لكان ملطفش ربي وكاش مادار فيا هذاك الهم وين نروح بوجهي اوووف ياربي وفرج عليا قيس ماغفيت جاو خوتي وليت نضت عاونت ماما في العشا حتى صونا تيليفوني لقيتها رونق رحت لصالو وريبونديت غير قلت الو جاوبتني وصوتها ملهوف _مروة جبتلك خبر هايل هبال _خير ان شاء الله _درك سمعت بابا يحكي على واحد صاحبو دخل للحبس خاطر ضرب واحد وكي ركزت مع لحكاية عرفتو الراجل تاع الصباح لي سلكك _قولي والله وكيفاه عرفتي _خاطر الراجل صاحب بابا حكالو الحكاية بصح مجبدكش قالو الطفل هذا تبلا جارتي وانا ضربتو _ايه وكيفاه درك _على حساب واش فهمت بابا مامنش الحكاية بصح معندوش حل والطفل هذاك حكا نفس الحكاية معلاليش كيفاه بصح مجبدكش خلاص قالهم خالد لي ضربو _يعني فرات الحكاية _قتلك ايه الراجل راه بايت في دارو ونتي راكي ميتة خوف عليه _المهم ايا غدوة ان شاء الله
غير سمعت الخبر ريحت حسيت حمل وتنحا عليا تعشيت ورقدت
صباح نضت دوشت ولبست روب بلو مع خمار بيض فطرت وخرجت بكري ليوم عندي كور لاحظت بابا مباتش في الدار لبارح بصح يادرا واش من كارثة راه يوجدلها غير وصلت للزنقة تاع البارح قلبي تقبض وليت نمشي ونجري كي ركبت البيس ريحت وصلت قريت وخرجت انا ورونق قاتلي واش رايك نروحو نتغداو _ايه هيا _دخلنا دوموندينا الماكلة وبقينا ناكلو ونڨصروا حتى شفت خالد دخل غير شفتو اللقمة حصلتلي...