#أمواج_الحياة

جزء39

امواج حياة
مروة_خالد
الحلقة39
في اللخر قررت نروح عند خالتي نريح ونشاورها هي راهي كبيرة وتعرف على الاقل تنصحني حتى من رونق شحال مجاتش عندي ونعيطلها متريبونديش قتلو خالد غدوة اديني عند خالتي نريح_هكا مروة راح تخليني_خالد اعطيني فرصة نريح ونخمم مع روحي ناض قالي اك اصلا نتي جامي حبيتيني ديتيني غير خاطر ملقيتيش شكون في كتافك واش وجعني بيها الكلمة هادي بت ليلة كاملة نخمم وهو مجاش سير راه بايت عندها لغدوة نضت دوشت وجدت روحي لمبت قشي لقيتو دخل وجهو مقلب شاف معاي ومع الفاليزة قالي مصدقتي تروحي ياك سكت عليه لبست قشي وخرجنا هبطنا لتحت شافتني مو قاتلي اه يابنتي وين رايحة على الصباح اقعدي تفطري سبحان مغير الاحوال قالها مّا راني مديها لخالتها _علاه غير الخير مهدرش معاها قالي هيا خرجت سلمى من البيت قالها ونتي وجدي روحك نجي نديك للطبيب وصلني لدار خالتي كلمة مهدرهاش عطاني دراهم قالي هاكي مصروفك بصح مكنتش حاسبك هكا كنت نظنك تحبيني ومهما كان توقفي معاي بصح يضهرلي راني غالط وراح خلاني طبطبت حلتلي خالتي سلمت عليها سقسيتها على خوتي قاتلي خدامين قاتلي وشبيك متبانيش مليحة حكيتلها قاتلي يابنتي شوفي هو صح غالط وبزاف ثاني بصح تاني احسني عونو الله غالب عليه الراجل حبك وكان حاسب روحو راه يدير في الصواب صح مننكرش تمرمدتو على الدار بصح انساي وحتى وكانت الحكاية مش هكا بصح الدار كانت راح تتباع باش يخلص ديونو يعني خالد على الاقل دار هذا الشي علجالك _والله منعرف ياخالتي تخلطتلي كامل_متخلطلك ماوالو اقعدي عندي ريحي يامات وعيطيلو متنسايش عندو ضرتك وكون تغفلي عليه تلقايها داتو مالا اقفزي على روحك واشطاري مدام الراجل يحبك بعد تخمام قررت نسامحو بصح حتى نكرهو وندمو اسع نعتلو يضربني ويوصلني للسبيطار....