#أمواج_الحياة

جزء16

امواج حياة
مروة_خالد
الحلقة16
تعيش خالد حتى نتا يعطيك الصحة على وقفتك معاي جامي ننساها _متقوليش هكا مروة الشي لي درتو قليل بزاف وياربي يمحي لعار لي درتو كي قال هكا هزيت راسي ليه _واش من عار تحكي عليه _والو مروة والو حكاية قديمة ماتت بقيت نشوف معاه قالي متخميش بزاف واسمحيلي نتي وخوتك _بصح علاه نسمحولك خالد علاه راك تحكي بالالغاز احكي واضح باش نفهمك _ياك قتلك حكاية قديمة فاتت ماتت وزيد مروة راني نخمم نحكي معاك في موضوع بصح الله غالب موت يماك ربي يرحمها عطلنا شوي وعلبالي مشي وقتها كامل بصح مروة راني ناويك لحلال وحاب نخطبك _تخطبني؟؟_ايه نخطبك وشبيك تصدمتي هكا علبالي مشي كامل وقتها بصح راكي وحدك درك وخاوتك في عمر صعيب لازمهم لي يوقف عليهم ونتي كفلة وحدك متقدريلهمش لازمهم العسة وين يكونو _خالد اسمحلي نروح للخدمة _مروة خمي مليح فالموضوع وامنيني راني ناويك هذي شحال برك ملقيتش فرصة نقلك زربت خرجت يخااه سخانة طلعتلي دخلت للدوش تما غسلت وجهي وبقيت نشوف مع روحي في المراية انا جاية بيضة مشي بزاف عينيا بني كبار والحاجة لمليحة فيا الخدود مدورين مالغري لطاي تاعي مليحة مشي سمينة شعري طويل يوصل نص ظهري وجاي بني
خرجت شديت الحانوت بقيت مع زهيرة نڨصر نسيت شوي همومي بصح عقلي تايه نخمم في خالد زعما واش ندير نقبل بيه؟ ياك شحال وانا عاجبني منكذبش بصح مضنيتهاش صعيبة ڨاع هكا وزيد بلاك شفق عليا ايه شفق عليا لقاني وليت بلا كتاف يقلك نربح فيها اجر صينو علاش خلا حتى لدرك وجبدلي لموضوع اووووف راح نهبل هزيت تيليفون عيطت لرونق قتلها لازم نشوفك درك قاتلي اك درك شوية نجيك للجاردة لي منين البازار رحت عندو قتلو خالد اسمحلي بصح لازم نخرج درك قالي خير كاش ما بيك _لالا بصح شوية عيانة ومرانيش قادرة قالي اك مش مشكل وكاش ما احتجتي راني هنا شكرتو وخرجت تلاقيت رونق بقينا نحكو جبدتلها الموضوع حسيتها تصدمت قاتلي خالد خطبك راكي متاكدة_ايه علاه هكا تصدمتي باين شافق عليا ياك_مروة واش راكي تهدري وش من شفقة الراجل متزوج كي قاتلي هكا الدنيا دارت بيا بقيت غير نشوف قاتلي متقوليليش معلبالكش بداو دموعي يطيحو وحدهم وليت نترعد قاتلي مروة يخاه وشبيك هكا _متزوج ايه صح كيفاه مجاتش لبالي نسقسيه ولا نسقسي رونق _بقات تقولي وشبيك من بعد قاتلي مروة متقوليليش تحبيه _حركتلها راسي قاتلي مروة علبالك بلي درتي ديڨة لعمرك الراجل مشي تاعك وراه متزوج....

توقعاتكم في القروب ونسحق القصة تطلع باش نزيد نتحمس ونكتبلكم ايا الزينات وروني شطارتكم وعد توصل القصة1000 جام غدوة ان شاء الله نحطلكم والاحداث الجاية مشوقة...