#أمواج_الحياة

جزء12

امواج حياة
مروة _خالد
الحلقة 12
دخلت ماما وشبيك تحكي وحدك _لالا والو _وجد لعشا؟_ايه درك نحط حطبنا تعشينا قاتلي ماما واش حقا اليوم الخدمة مليحة قتلها ايه الحمد لله _قاتلي الحمد لله بصح قرايتك التهاي بيها قتلها بلا متوصيني نطق ابراهيم مام انا وزكرياء لقينا خدمة شافت معاه قاتلو وين _ياك قتلك ما البارح بلي نخدموا في شونطي تاع جارنا _ايه ربي يسهللكم ونتوما تاني قرايتكم ردو بالكم بالها متخميش ما
غير كملنا غسلت لماعن سيقت الكوزينة رحت درت دوش خفيف ريفيزيت شوية وطحت رثدت من العيا صباح كي العادة لقيت ماما وجدت لفطور صبحت عليها بستها وقعدت نفطر _قاتلي اليوم تخدمي_ايه نسيت مقتلكش نقرا نص نهار ونفوت ديراكت للخدمة لعشية باش نروح قاتلي ربي يسهلك رحت هزيت قشي نوضت خوتي قالي زكرياء منقراوش ليوم بصح نبداو الخدمة منعرف علاه قلبي مقبوض من جيهة هذه الخدمة استغفرت وليت لبست هزيت دوزاني تلاقيت مع رونق بقينا نڨصرو على الخدمة وصلت للجاميعة قريت وخرجنا لقيت باباها جا يديها قالي هيا نوصلوك قتلو حطني منين البازار باسكو نخدم وصلني وهبط معاي قالي نحتاج خالد طلعنا راح للبيرو تاعو دخل عندو وقفل الباب وانا دخلت لخدمتي حتى لقيت زهيرة تقولي خالد يعيط عليك خرجت لقيتو مع عمي علي شاف معاي عمي علي قالي واش خالد راه مليح معاك قتلو الحمد لله منلقاش كيفو قالي خلاص اذا غلط معاك ارواحيلي والله نجبدلو عينيه ضحكت قتلو لا الحمد لله قالي ايا تهلاو وراح دخلت قاتلي زهيرة تعرفي هذاك الراجل قتلها عمي علي؟ قاتلي ايه قتلها اب صحبتي ايه قاتلي هو وخالد صحاب روح بروح يضلو مع بعضاهم هزيتلها كتافي وكملت شغلي
فاتو شهرين على هذا الحال من الخدمة للقراية ومن القراية للدار حتى جا نهار لي تبدلت فيه الموازين وبدات الحياة تقلب فيا بين موجاتها.....