#أمواج_الحياة

جزء7

امواج حياة
مروة_خالد
الحلقة7
اول مرة منتصدمش منعرف علاه بصح حسيت انو هكا احسن منها نرتاحو من مشاكلو ومنها يخلص عمايلو بلاك يرجع ويتوب بصح ياحسراه ذيل الكلب يبقى ديما اعوج
قاتلي مروة شفت معاها _رايحة نطلق باباك _طلقييه؟_ايه نطلقو قاتلي سندس بالاهمال تاعو والقضايا لي راه فيها تقدري ترفعي قضية خلع وتتهناي منو وهو في الحبس _ماما منك صح رايحة طلقيه كي طاحت بيه رايحة ترميه _شعلت فيا ايه نرميه الرخيس واش ربحت منو ضيعلي صحتي وانا نخدم عليه وهو ياكل في الحرام ياكل الرهج المهم فيلم حتى جاو ابراهيم وزكرياء وشبيك تعيطي حكيتلهم سكتو من بعد ناضو خرجو مفهمتش وشبيهم الهدوء تاعهم يخوف هوما صح الله يبارك متربيين وقرايين بصح عمرهم صعيب بزاف صونا تيليفوني لقيتها رونق رحت للشومبرة حكيت معاها شوية وحكيتلها قاتلي مروة ماماك عندها الحق اصلا واش دير بيه يعني اسمحيلي بصح كي يخطيكم تعيشو Bien _والله منعرف تخلطتلي _متخلطلك ماوالو حقا نسيتيني علاه عيطت شوفي راني حكيت مع بابا ودبرلك خدمة في حانوت تاع قش _قولي والله _والله والوقت كيما يساعدك كي متقرايش روحي والخلاص مليح_تعيشي رونق يعطيك الصحة _بلا مزية حنونتي ايا درك نخليك كوبيت فرحت بزاف رحت لماما نجري ماما ماما عندي خبر يفرح _هاتي نشوفو حتى حنا نسينا الفرحة كيفاش دايرة _لقيت خدمة _خدمة؟_ايه _كيفاش تخدمي ونتي تقراي _ماما رونق حكات لباباها وهو تفاهم مع صاحبو قالي الوقت لي يساعدك ارواحي والخلاص مليح_الحمد لله ياربي_مالا نقول لفوزية منزيدش نروح عندها _ايه
حطينا نتعشاو كامل حتى نطق ابراهيم _ما راني لقيت خدمة في شونطي تاع جارنا قتلو كيفاه هذا خدمة وشونطي تاع شونطي نتا _مروة مفيها والو راني انا وزكرياء نعاونوه ونجيبو الجورني تاعنا _وقرايتكم_قرايتنا وشبيها رانا نقراو ونخدمو واصلا مش راح نفرطو فيها نهار لي منقراوش نروحو نعاونوه _لا مكان علاه وزيد انا راني دبرت خدمة ليامات هادو ان شاء الله نبدا _مروة مام احنا كبرنا ومش راح نبقاو نستناوك نتي وما تخدمو علينا