#أمواج_الحياة

جزء5

امواج حياة
مروة _خالد
الحلقة5
رونق شوفي هاهو الراجل تاع البارح لي حكيتلك عليه غير دارت قاتلي ااا نعرفو قتلك صاحب بابا، كي دور راسو ولمحنا عقد حواجبو وبقا مركز معانا شغل يتفكر من بعد جا عندنا لاح السلام وقالنا اسمحولي بصح مش نتي الطفلة تاع البارح جيت نرد لقيت رونق قاتلو هذا نتا عمو خالد تشوكيت انا كيفاش تعيكلو عمو علاه شحال عمرو هذا_قالها اهلا رونق واش حوالك صفا_الحمد لله_شاف معاي وقالها مالا صحبتك هذي _ايه صحبتي مروة_دورت ليه قتلو اسمحلي بزاف على البارح واقيل درتلك مشكل _كون درتيلي مشاكل مرانيش واقف قدامك هنا وزيد علي(اب رونق) فرا الحكاية _المهم يعطيك الصحة وكثر خيرك _مدرت والو المهم نخليكم درك ونتي رونق متنسايش تسلمي على باباك وراح قعد في طابلة حدانا وبقا يشوف معانا هذا وين تولهت معاه عندو زين رجولي يهبل شعرو كحل ورطب عينيه جذابين بطريقة عجيبة غيى تشوفيه تيهي فيه لقيت رونق تعيط _اي مروة بلعقل كليتي السيد بعينيك _تخنزرت فيها ومن بعد تفكرت قتلها حقا نتي علاه تعيطيلو عمي شحال في عمرو _معلباليش بصح راه يدور في 40 كي قاتلي هكا تشوكيت اوووو انا قلت غير 30 _ياك قتلك صاحب بابا يعني باين _غير لحت عيني لقيتو يخرب في التيليفون بصح عينو عندنا خلصنا الغدا وخرجنا روحنا غير وصلنا منين الزنقة هاديك حكمت في رونق _وشبيم ارخفي يدك وجعتيني _امشي امشي الله غالب تعقدت منها الطريق هادي خايفة غير يخرجلنا اسامة _نورمالمو هو لي يتعقد السيد غاشيتيه بحجرة قريب قتلتيه درك يعود يشوفك يبدل الطريق ضحكت حتى نسمع صوت واحد جاي ورانا _رونق راكي تسمعي _واش نسمع _كاين واحد راه ورانا _ايه ومن بعد _رونق حابة تقتليني بالبرود لي عندك _واش من برود نتي برك موسوسة لعنت الشيطان وكملنا نشمو ونڨصروا حتى نسمعوا في صوت سعلة تاع راجل طلعنا في السماء من الخلعة كي درنا لقيناه خالد _وشبيكم تخلعتوا هذا انا برك وضحك يايما ذيك الضحكة تنسيك الحياة بلي فيها