امواج حياة
مروة_خالد
15
وصلنا للدار زكرياء كي قلنالو قلب الدنيا طحت انا وياهم في الارض ونعددوا بصوتنا كي عييت نضت بديت نفرز في الدار جوايه السبعة تاع الصباح عاودتلي رونق حكيتلها دارت حالة بلبكا قاتلي درك نخبر ماما ونجيو بدات الدار تتعمر بالجيران رونق ويماها جاو وقفو معاي مننساش خيرهم هوما باباهم خالد خوتها هاذو كامل وقفو معانا وقفة تاع الصح خوالي كي جاو تامنو بربي معرفتهمش نساهم جاو سلمو عليا عزاوني قبل صلاة الظهر جابوها غير شفتها طحت عليها نبكي قطعت روحي يالميمة لمن خليتيني كنتي نتي في ظهري وكتافي بابا محسيتش بغيابو كيما نتي كسرتيلي ظهري ياميمتي جبدتني عليها خالتي هذي حنينة حضنتني قاتلي يالعزيزة اصبري واش راح نديرو مكتوب فاتت لجنازة فرغت دار قعدت غير خالتي ورونق ويماها روحو في الليل
فاتو ايامات منسيناش بصح والفنا وتاقلمنا خالتي روحت بقينا غير انا وخوتي الدنيا فرغت علينا حالتنا حالة تحطمنا كل واحد حالتو اتعس من الاخر ومهما كان لازم نرجعو لحياتنا لقرايتنا ولخدمتنا غير دخلت جاو كامل لي يخدمو معاي عزاوني وعظمولي الاجر جا خالد قالي ارواحي معاي للبيرو دخلت زاد عظملي الاجر قالي مروة هذا امر ربي يماك الله غالب كتبلها تموت وزيد كانت في مرحلة سرطان متقدمة بزاف (بعد التحاليل ظهر كان عندها سرطان عفانا الله) وانا راني هنا متقوليش بردو كتافي راني معاك وموراك ديما اي حاجة تحتاجيها تطلبيها مني احسبيني خوك باباك كيما تحبي
أنت تقرأ
#أمواج_الحياة
Чиклитقصة- أمواج حياة - مروة- خالد كنت قاعدة مع ماما في الصالون نتفرج بصح عقلي مكانش معاي، كنت نخمم في شحال من حاجة قرايتي وقراية خاوتي وكراء الدار حتى سمعت ماما تعيطلي-مروة وشبيك ساهية -لالا ماما والو نتفرج برك -مهم انا رايحة نرقد عييت ونتي كي يجي باباك...
