#أمواج_الحياة

جزء27

امواج حياة
مروة_خالد
الحلقة27
بقيت نبكي بالشهقة نبكي على كلش على زهري على عايلتي لي مكانش دخلت رونق بدات تسكت فيا خلاص مروة اسكتي والله متستاهل تبكي على جالها _راني نبكي على كلش غير عليها ولوكان مجاش الغاشي نوريلها بنت السكارجي بصح معليش _قالك خالد البسي باش تروحو للاوتال _وينو هو درك_راهو واقف في الكولوار _عيطيلو تشوفي راحت عيطتلو دخل وهي خرجت شافني نبكي جا قعدعلى ركبتو وحكملي يدي مروة علاه راكي تبكي درك نورمالمو اليوم عرسك تضحكي ماشي تبكي بقيت ساكتة ونشهق مسخلي دموعي بيدو وحضني يااااربي حضنو دافي وحنييين كي فقت جبدت روحي شاف معاي قالي بنرفزة هيا البسي قشك باش نروحو _منروحش درك مزال مكملت تصديرتي بقا يشوف معاي قالي وشنووو قتلو ايه تصديرتي وشبيك تشوكيت هكا مجبتش معاي فاليزة حوايج باش نطيشها نكمل نلبس واش جبت وكي نخلص نعيطلك_ايه كيما تحبي _وعيطلي لرونق في طريقك جات راح عيطلها وخرج قلت لرونق اعدليلي مكياجي وهاتي نبدا نتصدر مجيتش هنا باش نبكي كنت نلوم في روحي ونقول المرا مسكينة حقها ديتلها راجلها بصح كي ولات فيها بنت السكارجي نعتلها عدلتلي المكياج وبديت نلبس مخليت كراكو مخليت شاوي مخليت قسنطيني جلطتهم تاع الصح العجوزغير تتخزر فيا والصالون كامل مصدوم ويشوفو فيا بنظرة تاع واش صرا كامل ومزالت مهم والله تصديرتي مخليتها في قلبي لبست كلشي كي عييت عبطت لخالد قالي وجدي روحك درك نجي (احنا في قسنطين ة العروسة متلبسش لاغوب تاعها كي تكون رايحة فواياج الغوب تخرج بيها من دارهم وتتصدر وكي تكون رايحة تلبس قش برا عادي ) كي جا خالد خرجنا سلمت على خوتي برا وصيتهم على رواحهم ورحنا طريق كامل انا نتفرج من الكارو وهو ساعة ساعة يشوف معاي ويضحك خير وشبيك تضحك كاش ماشفت _لا بصح اني نضحك عليك عندك وحد الاسلوب في الاستفزاز يطيح بالقلب_مفهمتش_ كامل واش صرا قبيل رحتي بكيتي زوج دمعات في البيت وحدك كامل حسوك راكي تلمي في قشك باش تروحي في اللخر خرجتيلهم بالكراكو والماكياج يهدر ويضحك بقيت ساكتة وصلنا للاوتال طلعنا للبيت مع دخلت لقيتها مزينة يعني باينة تاع عرسان جدد مكنتش خايفة بصح كي شفتها حكمتني الرهبة كشغل كنت غافلة وهذا وين فقت بواش راح يصرا دخلت قعدت على السرير حطلي فاليزتي قدامي قالي درك يجيبو لعشا نتعشاو ويرحمها ربي_لا مكان لاه اصلا معينيش_كيفاه هذا معينكش لازم تاكلي _جابولنا العشا كليت شوية وحبست كي شافني محبيتش ناكل وخايفة قالي ادخلي نتي لولة حتى نعيطلهم يلمو هادي_ رحت للدوش شللت لحمي برك وفكيت شعري عاودتو ليه ليه بليساغ عاودت المكياج خفيف برك لحت حجاب الصلاة من فوق وخرجت لقيتو في التيليفون يهدر كي شافني قالو غدوة ان شاء الله وكوبا شاف معاي قالي خلصتي هزيت راسي برك دخل هو فرشت السجادات كي خلص صلينا ركعتين...وصرا اللازم
بقا يحكي معاي وينسي فيا حتى رقدت الصباح نضت لقيتو راقد نضت رحت للدوش غسلت وبدلت رجعت لقيتو نايض _صباح الخير_صباح النور_راكي لباس ميوجعك والو _لالا والو حمد لله _حمد لله ناض غسل جا لقاني لابسة فطرنا برك وقالي واجدة _ايه نلبس عبايتي برك _لبست وخرجنا حسيتو مقلق مفهمتش وشبيه وصلنا للدار لقينا نص الغاشي روح قعدوا غير خلاتو وعمتو ويماه سلمنا عليهم امو كي جيت نسلم عليها دورت وجها قالها مّاااا _شافت معاه عمتو ودارتلو براسها تاع خليها برك درك تركح قالها مّا درك راني خارج وياربي نجي ونلقاها تبكي كيما لبارح والله منتفاهم معاكم خرج للكولوار عيطلي قالي مروة مّا مرا كبيرة ساعفيها برك ومترديلهاش خليها واش تهدر سمطيها ودرك يجو اهلك اقعدي معاهم وانا عندي خدمة نفريها ونرجعلك ياك _اك