#أمواج_الحياة

جزء3

مروة_خالد
بقيت نرعش بسيييف دزيت روحي ورحت منين هو لقيتو واقف وهذاك الهم مطايش في الارض -مات ياك؟_اسكتي مماتش راه دايخ برك _صح_ايه_ودرك كيفاش ندير سير درك يجو لابوليس ويدوني وندخل للحبس ونباصي بديت نرعش والهدرة نخرج فيها بسيف _ياودي اسكتي شكون قال تباصي شغل انا راح نخليك تباصي جا حكمني من كتافي وقفني شوفي روحي درك وين كنتي رايحة اقراي ولا اخدمي ولا معلباليش وانساي الحكاية هكا انسايها مضربتي حتى واحد _كيفاه هذا ننساها انا لي ضربتو ونتا علاه _خالد لي ضربو مشي نتي اك خالد لي ضربو هز تيليفونو منعرف لمن عيط سمعتو يقولو الشاف من بعد قالو عندي مشكل غير نتي لي تسلكني منو معرف واش بقا يحكي معاه ومن بعد قالو اك راني نستنا فيك دور ليا مزلتي واقفة هنا قتلك روحي _بصح _خزر فيا بنص عين وقالي متفهميش نتي روحي صاي انساي واش صرا ليوم رحت نمشي وندور ورايا حتى غاب على عيني ركبت في البيس وانا نبكي غير وصلت للجاميعة قعدت على الكرسي اصلا راح الحال كون ندخل درك البروف يخرجني واصلا مرانيش في جو قراية غايضتني روحي غايضني السيد لي خليتو ورايا وباصيتو وهو معندوش ذنب بقيت نبكي حتى لقيت رونق فوق راسي _مروة وشبيك علاه راكي تبكي هكا باباك كاش ما زاد دار_مصيبة رونق مصيبة طاحت عليا صباح ربي _غير لخير واش من مصيبة ثاني حكيتلها كلش _يامروة ختي منين خرجلك المشكل هذا ثاني شغل راكي ناقصة_شفتي يارونق شفتي واش راني نسوفري _بصح احمدي ربي بعتلك هذا السيد عاونك _وهذا فاه راني نخمم ياريت محليتوش تما باصيتو _مروة حبيتي تتجرجري في الحباس على صغرك وزيد حتى كون جيتي غالطة ياك قلتي هو كان راح يتعدى عليك والشي لي درتيه يتسما دفاع عن النفس_بصح الراجل واش ذنبو بلاك عندو ولادو مرتو _متخميش لوكان مجاش قادر على شقاه ميدخلش روحو في حاجة كيما هذي وزيد ياك قلتي سمعتيه قال شاف سير عندو معريفة درك يومين تسمعي بيه خرج من الحكاية كي الشعرة من العجين