#أمواج_الحياة

جزء 13

امواج حياة
مروة_خالد
الحلقة13
فاتوا شهرين هدوء تام ولكن كان هدوء ما قبل العاصفة، انا نخدم عادي خوتي تاني بداوخدمة في الشونطي تاع جارنا، ماما قدرت تطلق الحمد لله حياتنا رجعت مستقرة علاقتي مع خالد طورت وليت نحكي معاه سعات في التيليفون نحكيلو على قرايتي علاقتي بيه تقدروا تقولو صداقة ولكن لاحظت انو ديما يسقسي على بابا خصوصا الفترة لي خرجنا فيها من الدار كي باعها ومفهمتش السبب حتى كي نحكيلو كيفاش بقينا برا وملقيناش وين نروحو وجهو يتقلب ويولي غير يستغفر وسعات يقولي صاي اغلقي السيجي
اليوم وانا نخدم لاتية مع المشترية لقيت جمال يعيطلي (هذا خو خالد كل شهر يجي هنا يتقاسمو المربوح تاع البازار ويديروا الحسابات، قدرت نعرف في هذه الفترة انو خالد عندو ثلاث خاوتو واحد في فرنسا يقرا وزوج جمال الكبير ومن بعد خالد ومن بعد مصطفى شفتو مرة وحدة) رحت ليه حكينا لباس لباس وفات للبيرو عند خالد كملت نهاري عادي وخرجت وصلت للدار بدلت صليت قعدت نريفيزي. لاحظت حتى ماما هاذ الايامات تبدلت بزاف ولات ديما مريضة وطايحة وسعات حتى تبات بالسطر سمعتها تنازع خرجت نجري لقيتها عرقاانة وتنازع مسيتها لقيتها تغلي جريت هزيت التيليفون عيطت لرونق مرة وزوج وثلاثة ومريبونداتش ملقيتش واش ندير رجعت عنده قيستلها السخانة لقيتها طالعة بزاف ياربي واش ندير والساعة درك راهي قريب 2تاع صباح جاو زكريا وابراهيم قالي ابراهيم نشوف طاكسي _احبس وين رايحة خارج درك_هاه ونخليها هكذا تموت ملقيت ماندير تربطت وليت تفكرت نومرو تاع خالد بصح نعيطلو درك عيب واصلا باي صفة بصح ماما الله غالب منقدرش نخليها هكا بقيت بين وبين في اللخر قلت نعيط معنديش حل الله غالب رحت للكوزينة قفلت الباب عيطتلو كوبا عليا وعاودلي الو مروة غير لخير وشبيك كاش ماكاين_خالد اسمحلي الله غالب بصح ملقيتش لمن نعيط ماما راهي مريضة ڨراف تاع سبيطار وملقيتش كيفاش نديها _مروة وجديها درك خمس دقايق نجيك وكوبا