#أمواج_الحياة

جزء29

امواج حياة
مروة_خالد
الحلقة29
قتلو خالد انت تحير علبالك_علاه نحير _تهدر هدرات نعيا نفهمهم وتتصرف تصرفات اصعب _تكا على السرير وبقا يخرب في التيليفون ويهدر معاي قالي علاه واش راني نديرلك _تشفا نهار قتلي مرتي نحبها ونموت عليها ومحال نخدعها ؟_ايه وامبعد_بصح راني نشوف في تصرفاتك عكس واش كنت تهدر المرا منين تلقاها تزرقها _علاه غاضتك واقيل _مغاضتني موالو بصح راني بديت نشك في زواجك بيا وبلاك صح عندهم الحق جبتني غير على جال الاولاد حط التيليفون وشاف معاي ارواحي مروة بقيت نشوف معاه هيا مروة ارواحي رحت حداه حطلي راسي على صدرو وبقا يلعب بشعري مروة انتي اول مرة شفتيني وكتاه _نهار ضربت هذاك اللي ميتسماش _ايه بصح واش رايك كون نقلك بلي انا نعرفك من قبل ونعرف حتى باباك _ومنين تعرفني _باباك كان يخدم معايا شفت معاه كان يخدم معاك؟_ايه يخدم معاي وشبيك هكا مخلوعة_ اهيه ومن بعد _واش لي من بعد قتلك نعرفو كان يخدم معايا مدة خمس سنين _واش كان يخدم بالضبط _باباك كان مع لي يسلعو يعني كان يسلع ويجبلي للبزار _ومعلبالكش علاه بطل لخدمة سكت شوية من بعد قالي معلباليش جا مرة قالي حاب نبطل مساعدتنيش الخدمة _خمس سنين وهو يخدم مساعدتوش الخدمة _مروة نورمالمو انا لي نسقسيك علاه بطل ياك نورمالمو باباك نتي وانا وين علبالي جا قالي حاب نبطل وبطل معلباليش السبب_ايه معليش _وبالنسبة لموضوع سلمى لي قتلك نحبها ومنخدعهاش اتفكري نتي واش قلتيلي حتى جاوبتك هكا _واش قتلك _هاتفكري _حشمت نهدرهالو بقيت ساكتة قالي ياك قلتيلي بلي انا شايب مستعمل بقيت ساكتة _مروة هاد الكلمة احمدي ربي كي مدرتلك عليها والو خاطر تاع الصح قلقتيني بيها وكنت راح ندير حاجة ونندم عليها معلباليش كيفاه حكمت روحي ولعنت الشيطان صينو انا سلمى منحبهاش كيما قتلك _وشكون تحب مالا _نحبك نتي برك _سكت قالي ونتي _وانا واش _شكون تحبي _خالد صاي_لا خالد لا والو درك يسموك تنطقيها _نتا_واش لي انا مفهمتش _قتلي شكون تحبي نتا_لا متقوليهاليش هكا انطقيها _نحبك صاي بردت درك _لقيتو سكت طلعت راسي نشوف معاها لقيتو يشوف معاي وتايه_وشبيك _بقا مدة وهو يشوف معاي من بعد باسني على راسي وخدي وحضني قالي مروة والله غير نحبك ياك حطيها في راسك ديما _اووو وشبيك تهدر هكا مضنيتكش رومانسي ودرامي ضحك قالي مشفتي والو وراح خرج حسيت مام ضحكتو باردة وليت رحت توضيت هو ملي راح لعشية مزادش بان وصل وقت العشا لقيتو دخل واش لباس _حمد لله يبانلي شغل عياان شاف معاي قتلو وشبيك هكا راك مريض _لالا راني عيان برك هيا البسي حاجة واهبطي نتعشاو _نتعشاو معاهم_ايه ولا معينكش _لا نورمال سقسيت برك _مروة من اليوم دارك هنا واحد ميسالك بصح وقت لغدا ولعشا اهبطي لتحت مع مّا سايريها برك علبالي لسانها يذبح بصح في وجهي _سكتت جاحكملي وجهي باسني على خدي قالي حبيبي في وجهي تبسمت قتلو معليش هيا اهبطي وحطي خمار على راسك خاطر خوتي تاني راهم التحت _حقا خالد ابراهيم وزكرياء وقتاش تجيبهم _غدوة ان شاء الله نجيبهملك _ان شاء الله قالي اهبطي اني جاي رحت هبطت لقيت عمتو طالعة قاتلي خالد شفتو طلع عيان حبيت نشوفو _ايه عمتي اطلعي راهو في الدار طلعت وانا هابطة تفكرت تيليفوني كون تعيط خالتي عاودت رجعت جيت داخلة للبيت سمعتها تقولو ياوليدي ونتا علاه عليك هذه الحالة خبرها وارتاح _منقدرش اعمتي منقدرش _علاه متقدرش ياك نتا تزوجتها باش ترجعلها الدار وطلقها _هاذي بكري عمتي بصح درك تبدلو بزاف حوايج راني حاصل مقدرت نقولها ونتهنى مقدرت نسكت ونخبيها ضميري كل ليلة يقتل فيا اووو علمن يهدرو هادو زعما على سلمى بصح واش من دار يرجعلها استغفر الله ياربي وانا واش دخلني المهم لي عجبني من الحكاية كي قالتلو ترجعلها الدار وتطلقها يعني صح ميحبهاش (كنت نية بزااف )طبطبت ودخلت كي شافني تخطف لونو راح قالي مروة وكتاه جيتي_اسمحولي طلعت ندي تيلفوني برك نسيتو هزيتو وجيت هابطة قالي استناي نهبطو مع بعض هبطت عمتو واحنا وراها جبدني من كتافي قالي مروة كي جيتي مسمعتي والو قتلو واش راح نسمع جيت طبطبت ودخلت علاه كاش ما كاين قالي لالا والو عمتي برك عندها مشكل وجات حكاتلي ليا مراهي حابة حتى واحد يعرف_لا مسمعت والو_مروة المرة الجاية كي نكون انا في الدار ونتي داخلة ديري كاش جاست باش نعرفك جيتي _كيفاه ندخل لداري نطبطب الباب ولا كيفاه_مقتلكش طبطبي مروة بصح برك باش نعرف هذا مكان_ايه اسمحلي المرة الجاية نمشي ونزغرت ناض يضحك قالي ايه هكاك بعد