#أمواج_الحياة

جزء6

امواج حياة
مروة_خالد
الحلقة6
قاتلو رونق لا والو بصح مروة من قبيل وهي خايفة و تقولي نسمع في صوت حتى وسوستني _قالها مدام انا وراكم متخافوش وشاف معاي مفهمتش علاه حسيتو يقصدني مالغري هدرها بصفة الجمع قالنا ونتوما علاه تجو وحدكم حتى تولو تخافو قاتلو رونق موالفين يوصلنا بابا ولا محمد(خوها) بصح ليوم راهم خدامة في زوج قالي ونتي باباك ميوصلكش كي قالي هكا غرغرو عينيا بالدموع دورت لرونق قتلها هيا ودرت ليه قتلو اسمحلنا بصح ماما درك تتقلق عليا قالي صفا مروة وشبيهم عينيك _لا والو غير الهوا برك جريت رونق ومشيت _علاه تجري فيا هكا وزيد خلينا الراجل واقف عيب مروة_نتي امشي واسكتي من وكتاه موالفين نوقفوا مع الرجال احنا _بصح هذا نعرفو وشبيك_امشي امشي كون يشوفني زكريا ولا ابراهيم يقتلوني
وصلت لدار ورونق كملت لدارهم غير دخلت لقيت السكات اووو وينهم هاذو عيطت ماما نطق واحد من الصالو راهي خرجت طليت لقيتو ابراهيم متكي تما_خرجت دركا بصح مقاتلكش وين راحت_معلباليش عيطولها في التيليفون وراحت _وزكريا وينو _راه يريفيزي في البيت وليت رحت لقيتو يراجع ديت قشي ورحت للدوش غسلت وبدلت ورحت للكوزينة كاش ماناكل حتى صونا تيليفوني هزيت لقيتو نومرو منعرفوش وليت خليتو منيش موالفة نهز على النوامر عيك مرة وحبس زاد صونا لقيتها ماما هزيت عليها لقيتها تلهث _خير ماما وشبيك_روحتي مروة _ايه هذا وين جيت _اسمعي ديري كاش حاجة للعشاء حتى نروح _اك بصح وينك نتي ووشبيك هكا تلهثي _باباك دار ديڨة_اخاه واش دار_كوبي وكي نجي نحكيو كوبيت قعدت نخمم يادرا واش من ديڨة دارها تاني، درت شربة للعشا ورحت نريفيزي حتى لقيتها روحت _هاه احكيلي واش كاين_اعطيلي كاس ماء نرتح ونحكيلك عطيتلها شربت _باباك المصيبة طاحو عليهم الدولة هو وصحابو تاع القمار _اخاه صح _ايه عيطتلي درك سندس (هادي بنت جارتنا وتخدم محامية) وسندس منين علبالها _عيطلها الرخيس تاع باباك باش تخرجو _ايه وكيفاه درك _معلباليش قاتلي درك لازم يقعد تما راه غارق في الحرام لرقبتو واش من شراب حكموه عندو وواش من دراهم مزورين