#أمواج_الحياة

جزء 11

امواج حياة
مروة_خالد
الحلقة 11
سبحان الله انا وحرت في روحي كيفاه هذا نخاف يزعف بقيت نخمم حتى لقيتو قالي هاهو لبيس روحي طلعت راسي لقيت روحي وصلنا لاري قتلو يعطيك الصحة قالي كون خليتيني نوصلك ايه بصح درك علواه قتلو هاك وصلتني واش بقاخمس دقايق في البيس ونكون في الدار قالي اك وتهلاي في روحك قتلو مام نتا وزربت طلعت كون زدت شوية نلقا روحي في الانعاش يفطنو فيا وصلت للدار لقيت ماما مكانش سير راحت لسندس خاطر بدات في اجراءات الطلاق قيس مابدلت قشي لقيت خوتي دخلو وهي معاهم هوما راحو للبيت وهي راحت لصالون _هاه ماما واش درتي فيها قاتلي قاتلها سندس مدام راهو في الحبس مطولش لحكاية بلاك جلستين على الاكثر وطلق قتلها ربي يسهل رحت درت لعشا لقيت تيليفون يصوني نومرو منعرفوش بصح حسيتو نفسو لي عيط لمرة لي فاتت هزيت لقيتو صوت راجل قالي الو قتلو انعم قالي مروة ياخاه وين يعرفني قتلو شكون قالي انا خالد لا اراديا ضحكت قتلو اااا معرفتش نومروك قالي زعما صح ياك صحبت رونق ورونق بنت صاحبي وخويا انا قلت راهي عطاتك السيفي تاعي كامل قتلو والله لا اصلا مكانش علبالي راح نخدم عندك نتا هي قاتلي صاحب بابا برك قالي معليش قتلو كاش ما احتجت قالي علاه ديرونجيتك؟ قتلو لا قالي هاه وشبيك مالا قتلو والو برك كي عيطت قلت كاش ما احتجت قالي لا عيطت نسقسي عليك سكت ضربة وحدة قالي الو الو قتلو راني معاك قالي مهم غدوة ان شاء الله تجي للخدمة قتلو ايه نخدم نص نهار ياك معليش؟ قالي ياك قتلك وقت لي متقرايش والوقت لي يساعدك ارواحي قتلو تعيش يعطيك الصحة قالي بلا مزية ايا تهلاي في روحك وكوبا قعدت على الكرسي وحكمت قلبي ايما ارواحي تشوفي بنتك واقيل طاحت على راسها وليت نحكي وحدي مروة متتبهليش الراجل سقسا عادي وزيد موصينو عليك مكان لاه تديها في روحك