#أمواج_الحياة

جزء40

امواج حياة
مروة_خالد
الحلقة40
بقيت مع خالتي نحكي فرغت قلبي جاو خاوتي وقت لغدا فرحو بزااف كي شافوني سلمت عليهم تغدينا وبقينا مقصرين حتى لليل تعشينا سهرنا شوي وكل واحد حكم بلاصتو سقسيت خالتي على ولدها قاتلي ليامات هادو راه غايب عندو خدمة ايا مليح على الاقل حتى نلقا حل لعمري دخلت للبيت مع خالتي وخوتي في الصالون فرشت في الارض مخلاتنيش خالتي قاتلي اطلعي نتي فوق الكانابي وانا هنا عييت فيها قاتلي راكي بالحمل تكيت نتوانس معاها حتى لقيتها سكتت طليت عليها لقيتها رقدت غطيتها وخرجت للكوزينة نشرب لقيت ابراهيم دخل _وشبيك علاه نايض درك_مروة حاب نحكي معاك _هيه اهدر واش كاين غير لخير_مروة راكي مهنية عند خالد؟راهو مهنيك _ايه الحمد لله واش يخصني_متاكدة يعني ميضربكش _هبطت راسي قتلو لا علاه يضربني_مروة متكذبيش شفت يديك زورق _لالا بصح كي نسيق ولا نخبطهم في الخزاين هذا مكان _اك معليش مالغري مرانيش مامنك بصح منكذبكش المهم مروة نتي مراكيش باردة الكتاف عندك خوتك في ظهرك لي يغلط معاك ارواحي لخوتك ياك_حضنتو قتلو ربي يعيشك ويحفظك ليا سلم على راسي وراح خوتي بالنسبة ليا ولادي مش خوتي من الصغر انا متهلية فيهم انا نحفظ وانا نلبس ديما معاهم شغل انا مربيتهم اي حاجة مشي مليحة نتمناها تجي فيا قبلهم رحت للبيت عييت نرقد مقدرتش بقيت غير نتقلب وزاد عليا القيا كل خمس دقايق نروح حتى فشلت رحت تكيت بقيت نخمم حياتي مقلبة حاجة فيها مراهي مفروزة من جيهة خالد نحبو وحابة نسمحلو ومن جيهة قلبي مزال حاقد سيرتو من الضرب لي ضربهولي وزيد كان يقمر كيفاه راح نشوف فيه من ورا الشي لي سمعتو هو صح غلط بصح تاني ملازمش نسمح فيه اي انسان يغلط ولازم نوقفو مع بعض مشي من اول مشكل نخليو بعضانا في نص الطريق هذا هو كلام خالتي لي زاد دخلني في حيط بقيت نخمم حتى داتني عيني وغفيت الصباح نضت على ريحة القهوة نضت ديراكت نتقيا غسلت وجهي وخرجت صبحت على خالتي لقيتها تفطر _راحو يقراو_ايه خرجو الصباح ونتي كيفاه صبحتي _والله ياخالتي بديت بالوحم ناضت تضحك قاتلي هذا والو مزال مشفتيش الخير لي جاي _خالتي غير متزيديليش ديجا راني بديت نخاف من درك_بووه علاه تخافي كلش ساهل باذن الله_فطرت ونضت عاونتها في شوية شغل حتى سمعت تيليفوني لقيتو خالد فرحت كن راح نهز ومن بعد فقت مع روحي مروة وشبيك هكا جايحة ثقلي روحك وارزني خليتو يصوني كوبا وزاد عاود كي قرب يتكوبا هزيتو _الو _وي مروة صفا_حمد لله _راكي لباس ميوجعك والو متسخفي على والو_قتلك راني لباس الحمد لله مخصني والو_ايه الحمد لله بقا ساكت حسبتو كوبا شفت لقيتو مزال قتلو وشبيك ساكت عيطت باه تسكت _اه يامروة راني حاشم من روحي _علاه هذا واش درت ثاني_راني نشوف في روحي راجل طول وعرض مجرجر وراك نتي لي عمرك النص في عمري_ايه وانا واش دخلني اسكو انا لي قتلك قمر وقتلك اكذب عليا وقتلك اخدعني ولا انا لي جيت عرضتلك الدار _اه يامروة اه المهم كاش بيك عيطيلي اوكي _ايه ان شاء الله باي كوبيت عليه جبت نهار كامل قلقانة مفهمتش علواه بالضبط بلاك والفت داري او بالاحرى والفت خالد وزاد عليا القيا والدوخة كرهت روحي قاتلي خالتي هيا نخرجو ندورو شوية بلاك تتنحا عليك _اصبري نشاور خالد ونشوف عيطتلو في الاول محبش من بعد قالي اصبري نجي انا نديك _خالد علاه لازم كل دورة تكون معاي خليني نروح نشم لهوا ونولي _اوكي روحي ومطوليش واخرجي مع خالتك وبلا مانوصيك _ايه علبالي ايا باي