#أمواج_الحياة

جزء 18

امواج حياة
مروة_خالد
الحلقة18
بقينا نشوفو معاه وصل عندنا لاح علينا السلام قالنا واش صفا ردت رونق حمد لله عمو ونتا قالها الحمد لله قالي ونتي مروة شفت معاه وقتلو كنت لباس _علاه وشبيك_سكت قالي مروة معليش نحكي معاك قالتي رونق مروة مالا انا نروح هذاك هو مجيت نحكي معاها لقيتها ديجا راحت دورت ليه قالي هيا ارواحي _وين نجي _متخميش منخطفش انا _بصح ياك قتلك منركبش مع الرجال_مروة تطلعي ولا نطلعك _منطلعش قتلك_اك حكمني من يدي ويجر فيا _خالد اطلقني وشبيك هبلت _ايه هبلت ونتي لي هبلتيني مالا اتحملي طلعني وغلق لباب بقيت نحوس نحلها طلع وقالي اركحي تتفتح غير من برا _خالد واش تحوس عندي _نحكيو_وانا منيش حابة نحكي _لالا حنونة تحبي درك تشوفي ديمارا وصلنا لبلاصة فارغة غير شوية عباد _اهاه _احكي واش حاب وخليني _منين حابة نبداو تيليفونك لي مطفيتو سمانة ولا خدمتك لي مزدتيش جيتي ليها ولا من تهربك مني _منيش نتهرب منك والخدمة ياك بعتتلك مع رونق وقتلك بلي عندي قراية ونتا بفمك قتلي كي تكون عندك قراية متجيش ولا درت في رايك ثاني ولكان ندمت على الشهرية معليش قولي ونحيها على روحك شفقة تاعك منحتاجهاش _والله؟_اقسم بالله_الهدرة هادي كامل وانا مهبطة راسي قالي مروة شوفي فيا غير شفت معاه قالي بصوت حنين وشبيك قتلو في قلبي من بكري قلبي خارج وزيدني بصوتك هذا كيفاش نولي _قولي مروة وشبيك علاه من لي حكيت معاك في موضوع الزواج تبدلتي عندك مشكل معايا _منعرفك معندي مشكل معاك ونضن نتا لي عندك مشكل معاي انا هدرتها بنيتي حتى لقيتو دور خبط الفولا وناض يعيط قاتلك ياك حكاتلك كلشي رونق ياك _ايه حكاتلي كلش (انا كنت نقصد زواجو بلي عرفت بيه متزوج وكنت نحكي بنيتي بصح هو كان يقصد حاجة مخي مسكين صغير عليها ومفهمهاش ولا قلبي لي كان عاميني) علاه حسباتلك منفيقلكش ولا كنت ناوي تخليني معمية حتى نهار تعقد عليا وتحكمني ليك_دور ليا عينيه حمر من القلقة حتى خفتو _اصبري متفهميش لحكاية من عندك خليني نفسرلك_لي راح تفسروا ليا فسرهولها ليها مسكينة لي راك تخدع فيها وهي راقدة على وذنيها حاسبة روحها مع راجل كي قتلو هكا تصدم _علواه راكي تهدري نتي ولمن نفسر؟ لمرتك لمن كي قتلو هكا حسيتو رتاح وتشوكا قالي مرتي _قتلو ايه مرتك ولا حسبتني منكشفكش