#أمواج_الحياة

جزء21

امواج_حياة
مروة_خالد
الحلقة21
اليوم قررت نرجع نخدم لوكتاه نبقا هاربة المهم نبعد على خالد قد ما نقدر ومندورش بيه خلاص نضت لبست نوضت خاوتي باش يقراو درت الحليب فطرنا وخرجت وصلت للبازار لقيتو واقف حدا الباب يحكي مع راجل مدرتش عليه فت عليه عادي وطلعت للحانوت سلمت على زهيرة مسكينة تسلم وتعاود _غيبتيها علينا وينك هذا _والله كنت مع القراية راكي تعرفي _ايه حنونة ربي ينجحك والله غير نستعرف بيك قراية وخدمة في عمرك هذا راكي مليحة كي مهبلتيش _مكتوب زهيرة ختي _والله يامروة غير تقوليلي مكان حتى واحد في الجامعة دار بيك يابنتي زين ودين ورضاية الوالدين مفهمتش كيفاه لدرك مطاروش بيك _هههههه هيا هيا نخدمو نتي يضهرلي الوحش ودرلك راسك غير درت لقيت خالد متكي على الباب تاع البيرو تاعو ويشوف فينا دارلي بيدو ارواحي اتسغفرت ربي زعما واش يحوس من عندي ياربي رحت قالي اقفلي الباب واقعدي _انعم كاش ما تحتاج_شهريتك راهي راح تدخلك كاملة متخميش_هذا علاه عيطتلي _شفا فيا كان راح يهدر من بعد سكت قالي روخي لخدمتك درك بقيت نخدم حتى لقيت واحد من صحاب خوتي جا قالي مروة اجري _غير لخير واش كاين_زكرياء تضارب مع واحد وضربو بموس راه في السبيطار _كيفاه شكون هذا لي ضربوا _والله معلبالي بصح هو لي بعتني قالي روح لمروة راهي تخدم في البازار قلها تجي ومتخميش راه لباس _هيا مالا ديني عندو هزيت صاكي قاتلي زهيرة استناي مروة قولي لخالد على الاقل_والله خويا في السبيطار مضروب بالموس ونتي تحوسيلي على خالد بقات تعيط عليا مدرتش عليها رحت نجري خاطر السبيطار مش بعيد بزاف وصلت لقيتهم يخيطولو في الجرح في يدو لقيت ابراهيم تاني معاه _زكرياء وشبيك قولي شكون ضربك_متخميش مروة مابيا والو تضاربت مع واحد برك_ونتا علاه تتضارب واش خصك ذراري نتا _نطق ابراهيم يامروة مكان والو مشكل صغير وتحل صاي _ايه تحل كيما تحلت يد خوك ونتا وين كنت كاش مادارولك_لالا والو خلصت الطبيبة الخياطة قاتلو استنا يجو لابوليس قالها واش من لابوليس جرح قد هكا لابوليس وزيد واحد ماضربني تقست وخرج لحقتو انا وابراهيم اسمع نتا درك نروحو للدار تحكيلي كلش شكون هذا وعلاه ضربك _وعلاه حتى في الدار نحكيلك هنا الطفل زايدت انا وياه في الهدرة وتقابدنا هذا مكان ومرانيش صغير درك باش تبقاي تحوسي عليا واش بيا واش صرالي وواش نخدم وواش ناكل _بقيت نشوف قتلو في قلبي وقيل عندهم الحق كي قالولي متقدريلهمش وحدك لعشية رجعت للخدمة قالي خالد واش حوال خوك _حمد لله لباس _شفتي كي قتلك متقدريلهمش مامنتينيش _درك علواه راك تحوس خالد والله لي فيا يكفيني _عندك نومرو تاع واحد من خوالك ولا لا_وعلاه تحوس على خوالي _مروة ياك حكينا وقتلك جاي نخطبك _معنديش خوالي ورحت خليتو هذا واش بقالي ياربي غير ندي واحد كثر مني بالدوبل تاع عمري